لازم تدخل وكمان تجاوب بصراحه .......؟؟؟!

منقول

- من أنت ؟ ومالذي تفعله هنا ؟

- لو ظهر في بيتكم كنز ... ماذا ستفعل ؟

- لو قدر لك أن تدخل السجن فماهي القضية التي تتمنى ان تدخل بها إليه وماهي القضية التي لا تتمنى أن تدخل بها ؟

- أنت مكلف بحذف حرفين من حروف اللغة العربية .. أيهما ستختار ولماذا ؟


لو في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟


- بجملة واحدة فقط أكتب تعريفاً لكل كلمة من الكلمات التالية:



مصر :

الأم :

الليل :

الحب :

الصمت :

أمريكا :

المرأة :

الإنترنت :

المنتدي :



- كيف تتخيل العالم دون هذه الأشياء ( ، الكمبيوتر ، أمريكا ، العربية، الحب ) ؟!!

- اختر منصباً نفسك فيه واتخذ قرارا تتمنى تاخده وانت في المنصب ده !

- وجه رسالة لشخص لا يعرفه إلا أنت ؟


اتمنى اشوف مشاركتكم وتفاعلكم مع الموضوع


جاوبوا
بصراحة
كاملة

- من أنت ؟ ومالذي تفعله هنا ؟
انا كارى ... بقرا المواضيع وبشارك فيها براى

- لو ظهر في بيتكم كنز ... ماذا ستفعل ؟
لو ظهر ساعتها هقولك

- لو قدر لك أن تدخل السجن فماهي القضية التي تتمنى ان تدخل بها إليه وماهي القضية التي لا تتمنى أن تدخل بها ؟
القضيه الى اتمناها وهيه طبعا انى ادافع عن اى حاجه كويس
والى لا اتمناه مش عارفه

- أنت مكلف بحذف حرفين من حروف اللغة العربية .. أيهما ستختار ولماذا ؟ حرف ال ( خ ) مش عارفه ليه انا مبحبهوش خالص


لو في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟
هضع القنبله فى اى حد ظلمنى فى يوم وقال عليه كلمه غلط
والورده انا بهديها لشخص عزيز عليه


- بجملة واحدة فقط أكتب تعريفاً لكل كلمة من الكلمات التالية:



مصر : مفيش زيها

الأم : الحنان والعطف والطيبه ومهما اتكلمت مش هعرف اوصفها

الليل : يا جماله وخصوصا لو فيه قمر ونجوم

الحب : ماجمله وخصوصا لو كان صادق

الصمت : انا بفضله

أمريكا : حسبى الله ونعم الوكيل

المرأة : كائن ضعيف ولكن قلبه كبير

الإنترنت : ادمان

المنتدي : جميل وخصوصا الى فيه مواضيع هادفه



- كيف تتخيل العالم دون هذه الأشياء ( ، الكمبيوتر ، أمريكا ، العربية، الحب ) ؟!! العالم بدون كمبيوتر جميل لانه بقى بيسبب كوارث
وبدون امريكا ما احلاه بس ازاى
وبدون العربيه اكيد كان زمان احلى بدونها
والعالم بدون الحب يموت

- اختر منصباً نفسك فيه واتخذ قرارا تتمنى تاخده وانت في المنصب ده !
مش عايزه اكون فى منصب اهم حاج ان الكون يبقى كويس وبلاش كره وحقد

- وجه رسالة لشخص لا يعرفه إلا أنت ؟
انا بحبك جدا وعمرى ما اقدر استغنى عنك مهما كان وانا عارفه انى بغلط فيك كتير بس اكيد بيبقى غصب عنى لانك عايز تتحكم فيه وانا مبحبش كده

شكرا روميو على اسئلتك
بس ياريت انت كمان تجاوب

- من أنت ؟ ومالذي تفعله هنا ؟
أحمد ان شاء الله
بحاول اشوف المواضيع الفيها نقاش جاد

- لو ظهر في بيتكم كنز ... ماذا ستفعل ؟
لما يظهر ربنا يسهل ساعتها

- لو قدر لك أن تدخل السجن فماهي القضية التي تتمنى ان تدخل بها إليه وماهي القضية التي لا تتمنى أن تدخل بها ؟
اني ادخل فيها دفاعا عن حقي


والمبتمنهاش
اني اخش مظلوم

- أنت مكلف بحذف حرفين من حروف اللغة العربية .. أيهما ستختار ولماذا ؟
ش وال خ

لما ذا؟؟ معرفش

لو في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟
للناس البيتمنولي الشر

والوردة لأغلى صديقة ليا

- بجملة واحدة فقط أكتب تعريفاً لكل كلمة من الكلمات التالية:



مصر

هي مصر
هههههههه
:

الأم
الحنان كله

الليل
أحلى ما في الدنيا

الحب
أجمل شعور في الدنيا وهوة المخليني صامد لحد دلوقتي في الدنيا دي

الصمت
يدلل على رقي شخصيتك :

أمريكا :
مش بطالة الشعب كويس بس الريس ابن ؟؟؟؟؟؟؟؟ بلاش اكمل
المرأة
قمة المكر والخداع :

الإنترنت :
له فوايده وله اضراره
المنتدي :

مش بطال بس بتخنق اوي من الهزر البيبقى رخم جدا في المنتدى وملهوش لازمة
وبحب اشوف المواضيع الفيها نقاش مهم

- كيف تتخيل العالم دون هذه الأشياء ( ، الكمبيوتر ، أمريكا ، العربية، الحب ) ؟
!!

هيبقى صعب العيشة فيه شوية

-
اختر منصباً نفسك فيه واتخذ قرارا تتمنى تاخده وانت في المنصب ده !

مخطرش في بالي افكر في سؤال زي ده

- وجه رسالة لشخص لا يعرفه إلا أنت ؟

هقول لأغلى إنسان في قلبي بحبك مووووووووووت

المرأة
قمة المكر والخداع

عيب كدة المرأة دى فى الاول والاخر
ام واخت وزوجة وبنت

انا رأيي كدة
لأني متأكد من كدة جدا جدا جداجدا جدا لأني مجرب كدة اليومين دول
وفي الكنت فاكرهم فعلا كويسين من جواهم بس طلعو ...................

بس مش كل الناس

بس انا اتأكدت اليومين دول ان كلهم زي بعض كلهم ها
ونادرا لما تلاقيي من جواه صافي

سورى ياسبايدر مش المفروض تكون متاكد من حكمك على الناس خاصة لما يكون عام عالناس كلها زى دلوقتى

مرسى على ردودكم

وفين اجاباتك يا انجوليا

وانا هجاوب عن قريب

فى القريب العاجل ان شاء الله

انا كنت بقول زيك يا انجل بس دلوقتي ده بقى رأيي المتأكد منه

كنت بتقول ايه يااحمد؟

كان بيقول كلام كتير اوى

انتي كنتي بتقولي
____________________
سورى ياسبايدر مش المفروض تكون متاكد من حكمك على الناس خاصة لما يكون عام عالناس كلها زى دلوقتى
__________________________________


فأنا غيرت رأيي دلوقتي نهائي خالص

وبقول ان كل الناس فاهماني الناس كلها مش هنفي حد في انو يكون صادق في كلامه

واتاكدت فعلا اني نادرا الاقي الانسان الصادق ده
بس الحمد لله انا لقيته

يا شباب انتوا بتتخنقوا على ايه ؟

المرأه : ما هى الا عباره عن ام و اخت وخطيبه وزوجه وابنه فمنهم من يكون رحيما و شخصا عاقلا تهوى ان تتحدث معه و منهم الحنونه و منهم اللطيفه

والكثير والكثير ومنهم عكس ذلك


فأن كان حظك يوقعك مع العكس فى لاتحكم على الحسن بمنطلق السئ

ولا تجمعنهم فى ذائره واحده

انا بتكلم انك لما تتكلم مع انسان كتبر جدا وتحس فعلا انك بدأت تحس انو فاهمك وتنخدع منو فعلا بكلامه

وانك بتعرف بيخدعك من حد تاني


وهوة لسة مستمر بتمثيل الخداع ده

يا عم تواخى الحذر

لكن اتعامل ومتخفش من حد

الدنيا متستهلش كده منك

مأنا بقول كدة بردو
بس الحمد لله انا مخسرتش حاجة لأني لما بكلم اي حد
ببقى حاطط في دماغي اول حاجة ان الواحد ده هيطلع مخادع في الاخر

مزيف مخادع ضميرك ........


ابله لطيفه قالت كده

اتعلم بقى

انا بقى النهارده اكتشفت انى اتخدعت
والمشكله انى معرفش مين الشخص الى خدعنى
وانا فى قمه الحيره ومش عارفه اتصرف

انا عارف مين اللى خدعك

تحبى اقولك

بس تدفعى كام ؟

لانى دفعت عينى قبل كده

عاوز اشوف انتى هتدفعيلى ايه ؟

اه صحيح وانا عاوز اعرف ايه حكايه الخداع اللى منتشره فى المنتدى اليومين دول

دا انتوا اتحسدتوا

انا عندى اغنيه خليجى اسمها محسودين لو عاوزينها ابقوا قولولى

اوك

لا مش عايزه منك حاجه
علشان انت هتزلنى بالحاجات ديه تانى
بس الحمد لله انا متخدعتش قوى بس بجد
كنت هندم بجد لو كنت اتخدعت فى حد معين
لانى رسماله صوره فى خيالى ومش عايزه اغيرها

ان شاء الله مش هتتخدعي تاني خالص يا كاري

قول يارب يا احمد
انت عارف المشكله فى ايه
ان الناس بقت بكذا وش
يعنى قدامك بحاجه ووراك بحاجه تانيه خالص
واكتر حاجه بكرها فى حياتى ان حد ينقل الكلام

عندك حق يا كاري
وانتي عارفة انك مش انتي الوحيدة البتمري بالمشاكل دي
الواحد بيتخدع من اعز صحابه

بجد بجد انتوا اتحسدتوا


بس بصراحه

اللى بعكوا بيعوه اللى باقى عليكى اوعوا تسيبوه

اكيد طبعا
ياروميو

هو ايه اللى اكيد ؟

المشكلة البيبيع الواحد بيبقى من اعز اصدقائه

تفتكرو ده ياجماعة الواحد يعمل معاه ايه
ياترى يبيعو زي ما روميو قال


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا يا سبايدر متبعهوش
سيبه براحته وكلمه عادى
بس طبعا مش الاول لازم تتعلم وتاخد بالك ودايما تكون فاكر هوه عمل فيك ايه
وطبعا متامنش ليه تانى

كفاية نقاشات
وياللا حد يجاوب

جاوب ياروميو

يا جماعة المجاوبش يجاوب

بس انا بجد الموضوع ده يهمني اوي وعاوز رأيكم فيه

لأني بمر بيه حاليا

ياللا ياروميو

- من أنت ؟ ومالذي تفعله هنا ؟

انا انسان عادى خالص عايش الدنيا كده لمجرد انى بلتقط الانفاس لاحي مش اكتر ؛؛؛؛ اهو جى اشرك فى المنتدى وبحاول انى اغير الكون منه لكن والحمد لله فشلت ودى نتيجه عاديه لاى واحد عايش فى البلد دى


- لو ظهر في بيتكم كنز ... ماذا ستفعل ؟

هسرقه وههرب طبعا بهزر

ممكن افعل الكثير بس بتمنى من الله انى لو لقيت الكنز ده ميغيرنيش للاسؤ ........... واوعدكم انى هدور عليه

- لو قدر لك أن تدخل السجن فماهي القضية التي تتمنى ان تدخل بها إليه وماهي القضية التي لا تتمنى أن تدخل بها ؟

معتقدش ان حد يتمنى يخش السجن ولا حتى القسم ولا حتى يمشى فالشارع اللى هما فيه ؛؛؛ ومبتمناش انى ادخل لقضيه بعينها لانى مش عاوز حتى ادخله فى حاجه تافهه ممكن يتحكم عليها فيها بيوم حتى ....

يعنى الواحد مسجون وهو بره كمان يتسجن سجن تانى فيه اكتر من الاهانه اتنين ومن الذل تلاته بلا نيله

- أنت مكلف بحذف حرفين من حروف اللغة العربية .. أيهما ستختار ولماذا ؟

ههههههههههههههه

معتقدش ان اللغه العربيه تقيله اوى لدرجه اننا عاوزين نشيل منها حرفين


لو في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟

القنبله فى المنتدى ؛؛؛ اما الورده لمن احب
- بجملة واحدة فقط أكتب تعريفاً لكل كلمة من الكلمات التالية:



مصر : عباره عن منطقه من كوكب الاض تحتوى على شباب مدح فيهم الحبيب محمد ( ص ) واوصى بيهم وعليهم

الأم : هى الدفئ والامان وهى القلب المفكر والعقل الشاغل والعين الباكيه واللسان الموجه والاذن الناصته

الليل : بجلس فيه على النت

الحب : مشاعر متنفعش تتوصف لو دخلت القلب بس احلى حاجه لما تكون من قريب من حبيبك وحاسس انه ليك وانت ليه ؛؛؛ وما اسوءه لما يكون حبيبك بعيد عنك وحاسس انه فى مشكله وانت طرف فيها ومش عارف تساعده علشان هو بيحبك مش عاوز يصدمك وعلشان انت بتحبه مش عاوز يبقى لحد غيرك ومش عاوز تسمع دمعته

الصمت : سئ جدا وعندما يكون من حبيبك وهو بعيد عنك

أمريكا : خداع - كرهه - مكر - خيانه - .......... الخ

المرأة : هى الام والاخت والخاله والعمه والحبيبه

الإنترنت : مهوى قلبى فى الصيف وعشقى فى الشتاء ويمكن الاستغناء عنه فى توفر الاتصال بمن اهوى بوسيله اخرى

المنتدي : اعد عليه بضيع وقت لانى اتخنقت منه لانه مفهوش حد



- كيف تتخيل العالم دون هذه الأشياء ( ، الكمبيوتر ، أمريكا ، العربية، الحب ) ؟!!


الكمبيوتر : الكمبيوتر بدون نت ملهوش اى لزمه عندى

امريكا : ولا هيبقى فيه خداع - ولا مكر - ولا كرهه - ولا قرف - ولا خيانه ........ الخ

العربيه : مفيش اى مشكله خالص نرجع لاصلنا ونمشى على رجلينا كلنا ولاد آدم وحواء اللى كانوا بيمشوا على الارض

الحب : يبقى خربت وده يبقى نهاية العالم


- اختر منصباً نفسك فيه واتخذ قرارا تتمنى تاخده وانت في المنصب ده !

انا مش عاوز اخد منصب كبير لانى بحس اللى بيبص من فوق بيظلم اللى تحت وعندنا امثله زى دى كتير

دا انا لو فى محل هبقى عاوز اشتغل فيه بس لكن مش عاوز ابقى صحبه علشان مظلمش حد

وكما اوصانا سيد الخلق سيدنا محمد ( ص ) بعدم السعى وراء المناصب

- وجه رسالة لشخص لا يعرفه إلا أنت ؟

كنت عاوز ابعتها لحد معين بس خلاص ملهاش لزمه لانى قولتهاله

ومش محتاج انى اقولهاله تانى

دورك يا انجل


ابتدى انا جوبت جوبى انتى


لانك اخر واحده هتجوبى

لان مفيش حد غيرنا هنا فى المنتدى


هههههههههه


ربنا يزود اعضاءه


ويجيب اعضاءه الغيبين من الغيبوبه

هههههههههههههههه

- من أنت ؟ ومالذي تفعله هنا ؟

انا مها
استفيد واتمنى ان افيد

- لو ظهر في بيتكم كنز ... ماذا ستفعل ؟
احنا فى بيتنا كنز فعلا هو ماما

- لو قدر لك أن تدخل السجن فماهي القضية التي تتمنى ان تدخل بها إليه وماهي القضية التي لا تتمنى أن تدخل بها ؟

-اتمنى ان ادخل فى قضية سياسية
-جريمة فى حق مظلوم

- أنت مكلف بحذف حرفين من حروف اللغة العربية .. أيهما ستختار ولماذا ؟
ش و ر


لو في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟


ساضع القنبلة امام بيت كل ظالم
والوردة ساهديها لمن احب

- بجملة واحدة فقط أكتب تعريفاً لكل كلمة من الكلمات التالية:



مصر :

البلد اللى اتولدت فيها

الأم :

لااااا دى كلمة واحدة متوصفهاش
ولاكل الكلام الجميل اللى فى الدنيا

الليل :

الهدوء

الحب :
الامان

الصمت :
السلامة

أمريكا :
الدمار


المرأة :
الام
البنت
الاخت
الزوجة


الإنترنت :
حسب الاستخدام

المنتدي :
افادة واستفادة


- كيف تتخيل العالم دون هذه الأشياء ( ، الكمبيوتر ، أمريكا ، العربية، الحب ) ؟!!
الكمبيوتر..........عادى فى ناس كتير عاشوا قبلنا وتفوقوا وبرعوا من غير كمبيوتر
امريكا...........مكناش هنلاقى حد يعكنن علينا عيشتنا
العربية ..........ايه العربية دى السيارة وللا البلاد العربية وللا اللغة العربية ياريت توضيح

- اختر منصباً نفسك فيه واتخذ قرارا تتمنى تاخده وانت في المنصب ده !

المنصب الوحيد الذى اتمنى ااخذه هو زوجة وام فاضلة
وقرارى ان احافظ على بيتى بكل وسيلة

- وجه رسالة لشخص لا يعرفه إلا أنت ؟

لا ولا انا كمان اعرف الشخص ده

ميرسى على ردك يا انجوليا


** ملحوظه :-

العربيه :- يقصد بها السياره

كيف تتخيل العالم بدون
عربية.............

مش هيكون فى سواقين

هههههههههههههه

هو اهم حاجه عندك السواقين


ربنا معاكى يا مشغلاهم