~((كرسي الأعتراف))~

كمان يا كاري
أنا موجود أهو
أصلي كنت مسافرلي يومين كدة

اكتر شخص انت بتحبه ؟؟
وتحب انك تفضل جنبه على طول

ماهو اجمل احساس صادفته فى حياتك؟

ماهو اسوأاحساس شعرت به؟

ماهى هوايتك المفضلة ؟

ماهى طموحاتك؟

من اكثر شخص تحبه؟

لو طلبت منك تعطى للاعضاء الاتيين القاب تحسها فيهم وتحسهم فيها
فما هو تعبيرك عنهم ؟
كارى
روميو
شوشو
توتا
مستر ميدو
رورو
ادمين
سيمو
مينى
دودى
انجل

ماهو شعورك عند الفشل فى تحقيق هدف معين فى حياتك؟

ماذا يعنى لك بيتك ؟

ممممممممممممم كفاية كدة مؤقتا ولنا عودة باذن الله

إجابتي على كاري
_____________
اكتر شخص انت بتحبه ؟؟
وتحب انك تفضل جنبه على طول

واحدة اكتر من صديقتي واكتر من اختي بثق فيها جامد

يجامد

إجابتي على انجل
___________________
ماهو اجمل احساس صادفته فى حياتك؟
الحب

ماهو اسوأاحساس شعرت به؟
الوداع

ماهى هوايتك المفضلة ؟
كرة القدم والكمبيوتر

ماهى طموحاتك؟

ارجع لاعب كورة زي مكنت الاول

من اكثر شخص تحبه؟

انسانة غالية عندي جدا

لو طلبت منك تعطى للاعضاء الاتيين القاب تحسها فيهم وتحسهم فيها
فما هو تعبيرك عنهم ؟
كارى

الغموض وخفة الدم

روميو

الرومانسية والاحساس العالي

ابسط ياعم

شوشو

الجدية في المواضيع

توتا

معرفش

مستر ميدو

المكر والخداع والشر كله

رورو

الجدية

ادمين
من اعز اصدقائي

سيمو
الطيبة

مينى

معرفهاش

دودى

معرفهاش

انجل

صعب تحديد شخصيتها

ماهو شعورك عند الفشل فى تحقيق هدف معين فى حياتك؟

انا بفكر في الجاي عشان متعبش

ماذا يعنى لك بيتك ؟

المكان البنام فيه
ههههههههه

ههههههههه
حلوه اجابتك وخصوصا بيتك ( المكان الى بنام فيه )

مرسى جدا على ردك يا سبيدر

بخصوصى

واستنى اسألتى

قريبا

العفو يا روميو
وانا مستني اسئلتك واسئلة الجميع

انا المكر والخداع والشر كله
شكرااا يا سبيدر
سبيدر
اعز اصحابى

ازيكم ياجماعه

معلش ياسبيدر اعدوك على الكرسي تاني

بس اجاباتك على الاسئله كانت هايله انا احيييك

ووصفك للاعضاء كان مقنع جدااا

وعجبني جدااا وصفك لمستر ميدو وانجل جميييل

شكرا ليكي يا شوشو
انما على موضوع وصف مستر ميدو
عامل فيها صاحبي وبيكلمني عالايميل وبشوفو عادي

وطلع كان موصي ميمو انو يجبلو باسوورد الايميل والمنتدى بتاعي له

طب ده مش مكر وخداع
ههههههههههههه

انما انجل تحسي انها كذا شخصية في بعض

مالكم مصعبين شخصيه انجوليا ليه كده

دى بنت بسيطه اوى

بس عاوزه اللى يفهمها

بص يا سبايدر

اسألتى ليك

هل تنتظر الحب ......؟

سمعت انك تحب انسانه غاليه عليك اوى

ياترى ايه هو سبب حبك ليها ؟

وايه اللى دفعك على ذلك ؟

هل لديها شئ جذبك من اول لحظه ؟

وما تلك الشئ ؟ ان كان يوجد

بماذا تعبرها فى قلبك ؟

حبيبه ام اخت ام صديقه ام ........ وتترك للطالب حريه الاختيار

كفايه كده عليك دلوقتى

وربنا معاك وتعرف تجاوب

ماشيياعم روميو

مش هزعلك وارد على كلو

تنتظر الحب ......؟

لايعني

سمعت انك تحب انسانه غاليه عليك اوى

ياترى ايه هو سبب حبك ليها ؟
صعب اقول

وايه اللى دفعك على ذلك ؟
قلبي

هل لديها شئ جذبك من اول لحظه ؟
اه

وما تلك الشئ ؟ ان كان يوجد
مقدرش اقول

بماذا تعبرها فى قلبك ؟

حبيبه ام اخت ام صديقه ام تقدر تقول اكتر من اخت واكتر من صديقة

انا هسالك كام سوال كده

هل انت تمر الان بقصه حب ؟؟

ماهو الحب بالنسبه لك ؟؟
هل من الممكن ان تضحى باشياء من اجل الوصول الى محبوبتك ؟؟ ولو فيه حاجات ممكن تقولها ؟؟

كفايه عليك كده

موضوعك جميل يا احمد
ويا ريت ترشحو كارى الاول
مرسى

هل انت تمر الان بقصه حب ؟؟
مش الحب الهوة ممكن ارتبط بالانسان ده

ماهو الحب بالنسبه لك ؟؟
ذالك الشعور الذي يغمر الانسان بالسعادة معظم الوقت

وايضا ممكن يحزن ذالك الانسان

هل من الممكن ان تضحى باشياء من اجل الوصول الى محبوبتك ؟؟ ولو فيه حاجات ممكن تقولها ؟؟

ممكن .. حاليا مفيش حاجات

ماهو الحب بالنسبه لك ؟؟
ذالك الشعور الذي يغمر الانسان بالسعادة معظم الوقت

وايضا ممكن يحزن ذالك الانسان

دى اجابتك على سؤال كارى

طيب امتى الحب يفرح الانسان من وجهة نظرك ؟ ومتى يحزنه ايضا من وجهة نظرك ؟

ده سؤال واحد بس جاوب عليه

طيب امتى الحب يفرح الانسان من وجهة نظرك ؟ ومتى يحزنه ايضا من وجهة نظرك ؟

___________________________

ببساطة لما يحس ان الانسان البيحبه ده انه حاس بيه وبشعوره اتجاهه
ومحزن لما يلاقي الانسان التاني مش حاسس بيه

والله يا سبايدر نفس اجبتى اللى ممكن اقولها وانا مكانك ونفس الاجابه اللى منتظرها منك

بجد هرفعلك القبعه وهنزلها علطول علشان شعرى ميبردش

اوك

متزعلش

هههههههههههههههههههه

ماشي ياعم

دا انت طيب اوى يا سبيدر

ميرسي ليك

على ايه يا راجل دا احنا اخوات برضه من ايام الاورمان

ههههههههههههههههههههههه

ههههههههههههههه
ربنا يخليك

ليه كده طيب نقول ياااااااااااااااارب

شكرا ياروميو
وشكراليك ياسبايدر انت وشوشو

العفو يا انجل

شكلو مفيش حد هيسأل تاني

رشحو حد غيري

لا انا هسالك

ممكن اسالك واقولك
انت لما تلاقى الانسانه بجد الى تحبها وتحبك مين اول شخص سواء كان بنت او لولد هتقوله انك حبيت ؟؟

وتانى حاجه : لو بعد ما حبيت وجيت قولت ل اهلك ورفضوا وقالوا انها
مش مناسبه ليك ساعتها هتعمل ايه
والعكس طبعا لو كان الرفض من عند اهل حبيبتك ؟؟

وتالت حاجه : لما تلاقى البنت الى عجبتك باسلوبها وبشخصيتها وادبها وده اهم حاجه طبعا هتعمل ايه علشن تحاول تجذب انتباها ليك ؟؟

ياله كفايه عليك دول

ممكن اسالك واقولك
انت لما تلاقى الانسانه بجد الى تحبها وتحبك مين اول شخص سواء كان بنت او لولد هتقوله انك حبيت ؟؟
_________________________
انسانة غالية عندي جدا انتي عارفاها طبعا

____________________________
وتانى حاجه : لو بعد ما حبيت وجيت قولت ل اهلك ورفضوا وقالوا انها
مش مناسبه ليك ساعتها هتعمل ايه
والعكس طبعا لو كان الرفض من عند اهل حبيبتك ؟؟

لو اهلي الرفضو بردو مش هسكت بدال مبحبها فعلا

انما لو اهلها الرفضو ده موضوع تاني وهحاول اعمل القدر عليه
عشان ارتبط بيها
_________________________

وتالت حاجه : لما تلاقى البنت الى عجبتك باسلوبها وبشخصيتها وادبها وده اهم حاجه طبعا هتعمل ايه علشن تحاول تجذب انتباها ليك ؟؟

بقلبي وبشخصيتي انا مش من النوع البحب المظاهر خالص

بإختصار هحاول اجذبها بطبيعتي
-------------------

هوة كلو اسئلة عن الحب

غيرو نوع الاسئلة

وانا مستني اسئلة اي حد

كفايه عليك كده يا سبايدر خلى حد مكانك يخش ويعد شويه

واوعى حد يفكر فيا

واللى هيفكر هيندم

اوعى

تحذير باين اهو

انا عايزة شوشو

وانا موافق

وبرشح شوشو وبقوه

الله
كدة حلو اوى
يالا ياشوشو بقا

عايزة اسال

اده هو انتي لما صدقتي ياانجل

لسه في اعضاء تانيه ممكن تكون عايزه ترشح حد غيري

خلي عندك ديمقراطيه

وانا كمان برشحك ياشوشو

واضح انكم كلكم اتفقتوا عليا

اوك انا موافقه بس شوفولو كنبه بدل الكرسي ده

مش مريح كرسي الاعتراف انا عايزه كنبه الاعتراف

هاجبلك شاذلونج
وهتجاوبى

ما اسمك؟
عمرك؟
برجك؟
شايفة نفسك ازاى .اوصفى شخصيتك فى سطرين؟
اعطى لكل عضو من الاعضاء كلمة تصفه بها
ادمين
روميو
رورو
مينى
سبايدر
كارى
مستر ميدو
توتا
دودى
ميدو 1993
ميدو ايسو
انجل او لاف

ماهى اكلتك المفضلة؟
ماهو شرابك المفضل.الشراب يعنى الحاجات اللى بتشربيها عشن مخك ميروحش بعيد؟
ماهو حيوانك المفضل؟
ماهو طائرك المفضل؟
مارايك فى الصداقة؟
ماهو المنتدى بالنسبة لكى؟
ماهو السؤال الذى عجزتى عن اجابته؟
من هو افضل عضو فى المنتدى ؟ يرجى الاجابة باسم واحد فقط
من هو اسوا عضو فى المنتدى؟ يرجى الاجابة باسم واحد فقط
ماهى طريقة سيطرتك على غضبك؟
ماهو اكثر موقف مؤثر فى حياتك؟

كفاية عليكى اسئلة دلوقتى ونبقى نكمل بعدين

انتي ياانجل تعملي فيا كده

مش كنتي تصبري لغايه ماكنت هقدم استئناف بعد محكمه الحب

بجد حرام عليكي انا كان هيغمى عليا من كتر الاسئله

اوك ليكي يوم ياظالمه

ما اسمك؟

شيماء

عمرك؟

19 وبعد شهر هيكون عندي 20

برجك؟
برج الميزان

شايفة نفسك ازاى .اوصفى شخصيتك فى سطرين؟
الحمد لله راضيه عن شخصيتي بالرغم من ان فيها حاجات بدايقني لكن مش قادره اغيرهازي (العصبيه الزائده-والثقه الزائده بالناس-وضعف الثقه بالنفس )(طموحه-احب اصدقائي جداااا)

اعطى لكل عضو من الاعضاء كلمة تصفه بها
ادمين:متناقض

روميو:العضو المختلف

رورو:روح الفكاهه

مينى:الشقيه

سبايدر:الطيب

كارى:النشيطه

مستر ميدو:خنيق الاعضاء

توتا:العضوه التي تظهر فجاه وتختفي فجاه

دودى:الصغننه
ميدو 1993:الطفل العاقل
ميدو ايسو :الهادئ

انجل او لاف:صاحبه المقالب

ماهى اكلتك المفضلة؟الباشاميل
ماهو شرابك المفضل.الشراب يعنى الحاجات اللى بتشربيها عشن مخك
ميروحش بعيد؟

شرابي المفضل :الكابتشينو

ماهو حيوانك المفضل؟مش بحب الحيوانات انا بخاف منهم

ماهو طائرك المفضل؟

حتي الطيور بخاف منها لكن لو من حيث اكلها بحب الفراخ والحمام

مارايك فى الصداقة؟

اكيد الصداقه مهمه جدااا الانسان مايقدرش يعيش وحيد من غير اصدقاء-الصداقه تجعل للحياه طعم اخر

ماهو المنتدى بالنسبة لكى؟

مصدر للترفيه والافاده

ماهو السؤال الذى عجزتى عن اجابته؟
هو هذا السؤال

من هو افضل عضو فى المنتدى ؟ يرجى الاجابة باسم واحد فقط

صعب اوي تحديدي بعضو واحد
لازم تصعبيها والا ماتبقيش انجل
(انجل-كاري-روميو-سبيدر-رورو-توتا)العضو هو مابين القوسين

من هو اسوا عضو فى المنتدى؟ يرجى الاجابة باسم واحد فقط

الاعضاء اللذين لايشاركون

ماهى طريقة سيطرتك على غضبك؟

اتكلم بصوت بعالي

ماهو اكثر موقف مؤثر فى حياتك؟

موقفي وانا بجيب نتيجه الثانويه العامه

كفاية عليكى اسئلة دلوقتى ونبقى نكمل بعدين

كفايه لما نكمل بعدين

ولا بعدين ولا قبلين ياطيبه طيبه بجنون

ماشى ياشوشو اتزاكى براحتك فى الاجابات

نكمل بقا
ها

يالا ياحبيبتى

بس هو ليه مفيش حد بيسالك ياشوشو

وهاعتبر ده اول سؤال ليكى النهاردة

باقى الاسئلة فى الورقة اتالية

هل شعرتى فى يوم انك مميزة ؟ وماهو سر هذا التميز؟وفى مذا احسستى به؟

متى شعرتى بالفشل ؟

هل انتى راضية عن نفسك؟اذا كانت اجابتك نعم فما هو سبب هذا الرضى ؟واذا كانت لا فماذا ستفعلين لتحصلى على هذا الرضى؟

متى تفضلين الصمت؟

ماهى نقطة ضعفك؟
ومن ماذا تستمدين قوتك؟

ماذا يغضبك ؟وكيف تتصرفى مع هذا الشعور؟

من هو العضو فى المنتدى الذى تسعدين بردوده ؟وتحبين ان تريه دائما فى المتواجدون حاليا؟

ماهو اكثر شىء اضحكك؟

وماهو الشىء الذى ابكاكى؟

من من العضاء تعطيه القلم الذهبى عن موضوعاته فى المنتدى؟

من من الاعضاء تريدين ةطرده ؟غيرى انا طبعا

هل شعرتى بالغدر من شخص مافى حياتك؟
اذا كان نعم
فمن هو الشخص وفيم غدر بك وكيف تصرفتى
واذا كان لا
تخيلى ان ده ممكن يحصل وقولى ممكن تعملى ايه؟

فى هذه الدنيا لنا انتقادات كثيرة
فهل تقبلى الحياة على وضعها او تريدين ان تغير فيها
وما هو التغيير الذى تتمنيه؟

فى فيلم حب البنات
اكيد عرفاه ولو مش عارفاه هاجى افرججك عليه
عرضت 3 شخصيات مختلفة لليلى علوى وحنان ترك وهنا
فى من من هذه الشخصيات رايتى نفسك؟

ماهو افضل قسم تحبين زيارته فى هذا المنتدى( اكيد كرسى الاعتراف هههههههههه)

معكى وردة
الى من تهديها من اعضاء هذا المنتدى

ومن تعطيه كارت اصفر؟
ومن تعطيه كارت احمر ؟

حاسة انى تعبت
لكن لا مش هاستسلم ههههههه لازم اكمل اسئلة

مااجمل هدية قدمت لكى فى حياتك؟ ومن من كانت ؟

ماهو القرار الذى اخذتيه وندمتى عليه؟

متى ندمتى عندما قلتى لا ؟ متى ندمتى عندما قلتى نعم؟

من هو الشخص الذى تريدين ان تريه الان؟

من هو الشخص الذى تتمنى الا تريه ابدا؟

اسيبك بقا دلوقتى عشان تجاوبى على الاسئلة براحتك
باااااااااااااااى يا أش أش

بس هو ليه مفيش حد بيسالك ياشوشو

علشان اكيد باقي الاعضاء مشفقين عليا وبيقولوا كفايه عليا شراسه انجل فبلاش يزودودوا عليا

هل شعرتى فى يوم انك مميزة ؟ وماهو سر هذا التميز؟وفى مذا احسستى به؟
ايه الاسئله الصعبه دي

اكيد كل انسان بيشعر انه مميز احيانا

احسست بتميزي في فترات الدراسه لما كنت في اعدادي دي اكتر المراحل اللي شعرت بتميزي فيها

متى شعرتى بالفشل ؟

شعور بالفشل اممممممممممم انا مش فاكره اني شعرت بالفشل قبل كده الحمد لله

هل انتى راضية عن نفسك؟اذا كانت اجابتك نعم فما هو سبب هذا الرضى ؟واذا كانت لا فماذا ستفعلين لتحصلى على هذا الرضى؟

الحمد لله راضيه عن نفسي وحياتي الى حد ما بس السبب في رضايا هو احساسي اني بعمل اللي عليا علشان انال اللي انا عايزاه يعني مش بقصر في واجبي
والحمد لله انا بحس ان ربنا بيجازيني خير دايما والحمد لله ربنا بيحققلي الي بتمناه
وبحاول جاهده اني اعمل مايرضي الله يارب يقدرنا على رضاه دائما بس اكيد في حاجات كتير في الدنيا بتلهينا فالواحد بيحاول على قد مايقدرش مايتلهيش عن ربنا

متى تفضلين الصمت؟
انا بحب الصمت جدااا

بس افضل الصمت عندما يكون الكلام الذي سوف يجري على لساني سوف يجرح احد

ماهى نقطة ضعفك؟

الطيبه
هبقى اكمل بعدين علشان انا هقوم دلوقتي

ومن ماذا تستمدين قوتك؟
استمد قوتي من وجود ماما وبابا حواليه

ماذا يغضبك ؟وكيف تتصرفى مع هذا الشعور؟
اغضب من ظلم اي احد ليا وحاجات كتير اوي ممكن تخليني اغضب مش متذكراها بس تصرفي ممكن اما بالبكاء او اني اعلي صوتي

من هو العضو فى المنتدى الذى تسعدين بردوده ؟وتحبين ان تريه دائما فى المتواجدون حاليا؟

اعضاء كتير ياانجل وبطلي تحطيني في موضع اختيار عضو واحد
بس اللي متاكده منه دلوقتي ان العضو اللي لا اسعد بردوده ولا احب ان اراه متواجداا في هذا المنتدى وبالتحديد هذا الموضوع هو انتي ياانجل

ماهو اكثر شىء اضحكك؟
اكثر شيء اضحكني ممكن تكون نكته سمعتها وممكن يكون موقف اتحكالي

وماهو الشىء الذى ابكاكى؟

بكيت قبل كده لما لقيت بعض الناس بتستغل تسامحي السريع معاهم في انهم يعملوا اي حاجه تدايقني ويكونوا متاكدين اني هسامحهم

وبكيت قبل كده لما اكتشفت ان صديقه ليا كنت بحبها جداااانها بتغير مني وماكانتش بتحبني

من من العضاء تعطيه القلم الذهبى عن موضوعاته فى المنتدى؟

بجد كل الاعضاء تستاهل القلم الذهبي لانهم فعلاا بيضعوا موضوعات جميله وقيمه فعلااا والله

من من الاعضاء تريدين ةطرده ؟غيرى انا طبعا

غيرك يبقى انجل -مها-ميهو-فرجينيا

هل شعرتى بالغدر من شخص مافى حياتك؟
اذا كان نعم
فمن هو الشخص وفيم غدر بك وكيف تصرفتى
واذا كان لا
تخيلى ان ده ممكن يحصل وقولى ممكن تعملى ايه؟

الغدر بصراحه ممكن اكون حساه من صديقتين بالتحديد كنت فاكره ان صداقتنا هتدوم لاني كنت بحبهم وكان نفسي احتفظ بصداقتهم لكن للاسف طلعوا مش اصدقائي والحمد لله ربنا بينهم ليا

يوووه ياانجل قلبتي عليا المواجع

هبقى ارجع اكمل

الاسئله كتيره اوي

فى هذه الدنيا لنا انتقادات كثيرة
فهل تقبلى الحياة على وضعها او تريدين ان تغير فيها
وما هو التغيير الذى تتمنيه؟
اكيد انا مش هقدر اغير فيها
لكن التغير اللي اتمناه هوان الناس تتعامل مع بعضهم كويس لان دلوقتي كل واحد مستني على التاني غلطه علشان يتخانق
وياريت الناس ماتعتبرش الطيب اللي على نياته اهبل وجبان

فى فيلم حب البنات
اكيد عرفاه ولو مش عارفاه هاجى افرججك عليه
عرضت 3 شخصيات مختلفة لليلى علوى وحنان ترك وهنا
فى من من هذه الشخصيات رايتى نفسك؟

ايه الاسئله دي شفت نفسي في مين امممممممممممممم

ممكن تكون اقرب واحده في حنان ترك شويه

ماهو افضل قسم تحبين زيارته فى هذا المنتدى( اكيد كرسى الاعتراف هههههههههه)

لا كنت بحبه من قيمه كام يوم لكن دلوقتي كرهته كرهته وانتي السبب

انا بحب اكتر قسم هو القضايا والمشكلات

معكى وردة
الى من تهديها من اعضاء هذا المنتدى

انا هحدف الوره والي يلقطها ههديهاله
لكن مش عايزاكي تقفي وانا بحدف الورده فاهمه

ومن تعطيه كارت اصفر؟
انجل
ومن تعطيه كارت احمر ؟

هديه بردو لانجل بعد نهايه الاسئله دي علشان ماتدخلش على الموضوع ده تاني

حاسة انى تعبت
لكن لا مش هاستسلم ههههههه لازم اكمل اسئلة
ايه يابنتي انتي بتحاربي اتهدي بقى مادام تعبتي

امال انا اعمل ايه انا ميته من التعب والغيظ في نفس الوقت

هرجع اكمل

مااجمل هدية قدمت لكى فى حياتك؟ ومن من كانت ؟

في هدايا كتير عزيزه عليا
كانت من بابا
وهدايا عيد الحب اللي فات اللي كانت منك ومن روز وصاحبتناالتالته

وكان في هدايا من بنات عمي كانت عباره عن مصاحف في اعياد ميلادي

ماهو القرار الذى اخذتيه وندمتى عليه؟
لا انا مش بحب اندم على حاجه الحمد لله مااعتقدش اني ندمت على اي قرار خدته

متى ندمتى عندما قلتى لا ؟ متى ندمتى عندما قلتى نعم؟
نفس اجابه السؤال السابق

من هو الشخص الذى تريدين ان تريه الان؟
بابا

من هو الشخص الذى تتمنى الا تريه ابدا؟

لا مافيش شخص اتمنى الا اراه

بس واضح دلوقتي ان هيكون في بعد كل هذه الاسئله

اكيد انتي عرفتي مين

ايه ده انتى صعبتى عليه والله ياشوشو يا حبيبتى
بس اسمحيلى بقى اسال شويه

- ما هو تعريف الحب ؟
- هل تؤمن بالحب ؟
- هل تؤمن بالحب من أول نظرة؟
- هل يختلف معنى الحب عبر العصور؟
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
- فرق العمر بين الطرفين هل يؤثر على علاقة الحب؟
- أيهما أنجح ,الزواج عن طريق الأهل أو عن معرفة سابقة؟
- هل ممكن ان تحب أكثر من مرة؟
-هل يمكن أن يكره الأنسان الشخص بعد أن أحبه؟
- هل للمادة دور رئيسي في استمرار الحب؟
- نجاح الحب مستحيل أم ممكن , و كم نسبة نجاحه؟
- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
- أيمكن للحب ان يغير مجرى حياتك؟
- البعد أيخفف المشاعر أم يلهب الأشواق؟
- هل يتغير الحب بعد الزواج؟
- بوجود الحب أيشترط وجود السعادة؟
- هل الغيرة ضرورية في الحب و ما دورها ؟ سلبي أم ايجابي؟
- أيهما أخلص الشب أم البنت؟
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

ياله كفايه عليكى دول

كل الاسئله دي وصعبت عليكي

لا واااااااااضح

ما هو تعريف الحب ؟

هو الشعور بالسعاده عند رؤيه الحبيب وهو الخوف على الحبيب وهو تمني ان تظل دائما وابدا بجانبه

- هل تؤمن بالحب ؟
اكييييد
- هل تؤمن بالحب من أول نظرة؟
لا
- هل يختلف معنى الحب عبر العصور؟

اكيد لا الحب هو هو في كل العصور

- ما هو تأثير العمر على معنى الحب في المراحل التالية ( مراهقة , شباب , بعد الأربعين )

كل ماكان العمر اكبر بيكون الحكم على المشاعر اصح
وبيبقى الانسان مش محتاج يتاكد من مشاعره
وبيكون الخبره في الحياه اكبر فيقل نسبه حدوث تصرف غلط او طائش

- فرق العمر بين الطرفين هل يؤثر على علاقة الحب؟
بصراحه انا مش عارفه
لكن في ناس كتير بيكون الفرق بينها كبير مثلا عشر سنين ومابيكونش فيه تاثير على علاقه الحب

- أيهما أنجح ,الزواج عن طريق الأهل أو عن معرفة سابقة؟

اعتقد انه الزواج عن طريق الاهل انجح

- هل ممكن ان تحب أكثر من مرة؟

لا اعتقدابداااا

-هل يمكن أن يكره الأنسان الشخص بعد أن أحبه؟
الي يحب مابقدرش يكره ابدا الا اذا الشخص ده عمل عمله فظيعه مثلاا يكون خدعها وكان حبه ليها زائف مش حقيقي او يكون خانها او تكتشف انه كان مرتدي قناع وازيل القناع ورات مايداريه

- هل للمادة دور رئيسي في استمرار الحب؟
بصراحه اسئلتك صعبه جدااا ياكاري
بس ممكن يكون في الومن ده للماده دور كبير في استمراره

- نجاح الحب مستحيل أم ممكن , و كم نسبة نجاحه؟

اكيد ممكن بنسبه 99%

- هل يمكن أن يستمر الحب في حال تغير الطرف الآخر من نواحي :
أ- عاطفية لا اعتقد ان يستمر الحب
ب- غير عاطفية ممكن يستمر

- أيمكن للحب ان يغير مجرى حياتك؟
اكيد ممكن

- البعد أيخفف المشاعر أم يلهب الأشواق؟
اسئلتك بجد ياكاري مش عارفه احلها
بس اعتقد انه يلهب الاشواق

- هل يتغير الحب بعد الزواج؟
اكيد بيزيد

- بوجود الحب أيشترط وجود السعادة؟
اكيد

- هل الغيرة ضرورية في الحب و ما دورها ؟ سلبي أم ايجابي؟
هي مش حكايه ضروريه هي اكيد بتبقى موجوده وتاثيرها على حسب كمها لو كمها كبير بيبقى سلبي ولو بقدر محدود بتبقى ايجابيه

- أيهما أخلص الشب أم البنت؟
اعتقد البنت اخلص في حبها

- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

لا بس انا مش بقول كده لان الصوت او الشكل مهم لا مش مهم

لكن الانترنت وغرف الدردشه بيبقوا كدابين وبيحاولوا يخدعوا البنت بانهم يحسسوها انهم افكارهم عظيمه بالرغم من انهم يكونوا في غايه التفاهه

حرام عليكي ياكاري دا كله اسئله

بجد بجد كانت صعبه اوييييييييي

معلش ياشوشو غصب عنى والله
اصل انا بحبك وعايزه اسئلك
انا كنت هسالك تانى بس قولت كفايه عليكى دول
ياله اسئلوا شوشو كلكم

*~*((كرسي الأعتراف))*~*

~((كرسي الأعتراف))~