حوار ساخن جدا 00 بين الشباب والفتيات !!

حوار ساخن جدا 00 بين الشباب والفتيات

سيكون من الأفضل تثبيت الموضوع
مما لاشك فيه أن كل منا بداخله أسئلة يود طرحها على الجنس الآخر وللوصول إلى الإجابة الصحيحة لابد من أن تكون الإجابة صادرة من صاحب الشأن !!

ولذا سأضع بين أيديكم موضوع شيق جدا 00 ألا وهو الحوار الساخن بين الجنسين (( الفتيات والشباب )) 00 بحيث يقوم كل جنس بطرح مالديه من استفسارات يود من الجنس الآخر الرد عليها 00

من شروط هذا الحوار 00
 أن يقوم الشاب أو الفتاة بطرح سؤال واحد على الجنس الآخر 0
 يجب أن يقوم بالرد على السؤال الجنس الآخر 00 بمعنى أنه إذا قام شاب بطرح سؤال يجب أن يقوم بالرد فتاة وليس شاب 00 ويمكن أن يقوم بالرد أكثر من فتاة 0 وبعد الوصول للإجابات المقنعة 0 يقوم الطرف الآخر بتوجيه سؤال جديد ليقوم الاعضاء من الجنس الآخر بالرد وهكذا 0
 الابتعاد عن الأسئلة المثيرة أو المحرجة أو المستفزة 0
 لامانع من الاستدلال بالصور أو المعلومات من كتب العلماء والادباء 0
 الحوار عبارة عن منافسة شريفة بين الشباب والفتيات 00 ولذا فليس هناك تحيز لجنس معين 0
أرجو أن تنال الفكرة رضاكم !!

وسأبدأ بطرح أول سؤال على الفتيات 00

عندما تُسأل المرأة عن عمرها (( سواء المتزوجات أو غير المتزوجات )) 00 إما أن تمتنع عن الإجابة 00 أو تتردد كثيراً قبل الإجابة 00 وعندما تجيب على السؤال لاتعرف من العمليات الحسابية غير عملية الطرح 000 لماذا ؟؟

انا مش هاقول ان ده مبيحصلش
بس انا فعلا مشفتش الحكاية دى قبل كدة
بس ممكن تقول عشان المرأة دايما تحب تحس انها صغيرة ودلوعة والكل بيعاملها على انها طفلة

غير ان نظرة الرجل بتتغير للمراة اللى بيعرف انها اكبر منه فى معظم الاحيان طبعا لان سيدنا محمد صلى الله عليه وسلم تزوج من السيدة خديجة رضى الله عنها وهى كانت تكبره سنا

وممكن نقول كمان ان المراة لما تحس انها كبرت فى السن بتحس انها لازم تخلى بالها اكتر من تصرفاتها ومن لبسها ومن كلامها مع الناس اكتر من الاول وده ممكن يكون احساس بالقيد والمسئولية

انا مش عارفة راى بقيه البنات ايه بس انا بقول كدة من وجهة نظرى
وعلى فكرة انا اكبر اصحابى سنا ومع ذلك بحس بفخر اكتر من انى اتكسف ابين كدة

والله اعلم

ليه الرجل دايما بيحب يفرض سيطرته على زوجته او خطيبته او بنته ويحاول يبين لها ان رايها غلط حتى لو كان هو نفسه مقتنع برايها

وليه دايما يحاول يبين كدة خاصة ادام الناس

مع ان فى البيت يعنى ممكن يكون بيتظبط على الاخر؟

محدش عنده الجراة يرد
اين الرجال
انتوا هتحطونا فى وش المدفع وتمشوا
مش هو ده اتفاقنا

انا هجاوب يا انجل
مش كلو كدة طبعا
في البيحاول يثبت انو راجل وخلاص
وده انا بعتبره تخلف
وفي البيوقلك انا لازم ادبحلها القطة من اولها عشان متنفسش معاه بعد الجواز
والبيحاول يبين كدة قدام الناس عشان ممكن يكون صاحبه مراته او خطيبته زالاه فهوة بيغيظه اكتر
انو هوة قادر على خطيبته او مراته
ههههههههههههههه
اصبري بقى انا افكرلك بسؤال حلو

انتي بتحسسيني ياانجل انك عندك 60 سنه فعلااا

بس انا معاكي في الكلام اللي قولتيه ان البنت دايمااا تحب انها تكون صغنونه

بس من حيث انك بتقولي انك بتحسي بفخر لانك لسه في مرحله الشباب داانتي لسه مكمله العشرين وده طبيعي وكتير من البنات اللي اصغر منك بيبقوا نفسهم يكبروا ويبقوا قدك وبيحاولوا يدوا سن اكبر من سنهم

لكن تعالي بعد 5 او10 سنين كده وابقي جاوبي تاني

هتلاقيكي اكيد اتغيرتي

وسن العشرين لما يفارقك

متهيالي دي بتبقى مراهقه متاخره من السيدات اللي عدوا سن الشباب

اوكى ياشوشو
بس انا مش معاكى
ومش عارفة ليه بحسسك انى عندى 60 سنة
اما بالنسبة ليك ياسبيدر انت شكلك كدة هتفكرلى فى سؤال ليا مخصوص عشان انا اللى اجاوب عليه وده مش مطمننى
بس مفيش مشاكل انا مستعدة

لا متقلقيش انا هفكر لسؤال بس للكل

طيب يالا بسرعة عشان انا اللى هجاوب عليه برضه

بدال مإنتي اختارتي انك هتجاوبي ياريت تجاوبي عالسؤال ده بصراحة

تقدم لخطبتك شاب وسيم جامعي يعمل بمرتب ضخم قعدتوا مع بعض تتكلموا بكل منتهى الصراحة و بعدين صارحك و قالك
بصي علشان نكون على نور انا هعترفلك بحاجه ضروريه جدا انا من تلات اربع سنين كنت انسان تاني خالص بعمل كل حاجه بتخطرلك في حياتي كنت بشرب مخدرات وبشرب خمرة وبمشي مع بنات وصايع على الأخر سهر وهيصه انما انا دلوقتي تبت وربنا هداني وبقيت انسان تاني
انتي كبنت بصراحه

الشعور الاول بعد الكلام ده هيكون ايه اول شعور ليكي

هتوافقي تتممي خطبتك على الشخص ده و لا هترفضى ؟؟؟؟!!!

اسبابك في الموافقه والرفض

اتمنى تجاوبوني بمنتهى الصراحة؟؟

عشان انت طلبت الصراحة
لو هيكون هو ده العيب اللى فيه على مستوى كلامك يعنى فاكيد مفيش مانع
لانى مش هاستنى واحد ملاك مفيهوش عيب لانه مش موجود اصلا والكمال لله وحده
وساعات الانسان اللى بيغلط ويستفيد من غلطه ويحس بذنبه طول عمره بيكون احسن كتير من انسان محسش انه غلط فى حياته وشايف نفسه احسن من اى حد
ده رايى واحترم اى راى تانى

اوك طب فين سؤالك للبعدك؟؟؟؟؟؟؟؟
فكري بسؤال حلو كدة

والله بفكر من امبارح
بس انا عايزة البنات اللى معانا برضه يسألوا
انتوا كلكوا عليا وللا ايه

صح فين بقيت البنات الفي المنتدى يلا كلو يخش ويسأل مش انجل لوحدها

هاى عليكوا يا جماعه وحشتونى بجد

وايه الاسئله الجامده ديه

المهم سؤالى هو

ماهو مفهوم الزواج من وجهه نظرك ؟؟

السؤال ده موجه للشباب والبنات

الجواز التقليدي اكيد كبت حرية وصداع ووجع دماغ وانا مبأيدهوش خالص
وانا عن نفسي عمري مهتجوز غير واحدة اكون بحبها وفاهمها وفاهماني كويس

سؤالي للبعدي

ما هوة الحب في وجهة نظرك؟؟؟؟؟؟؟؟؟

الحب اجمل شىء فى الدنيا
والحب مش كلمه صغير او عاديه بتتقال كده
لان الحب ده احساس داخلى فى قلب الانسان
محدش يفهمه ويحسه الا هوه
ومهما اتكلمت عن الحب مش هقدر اوصلكوا معناه الحقيقى

وسؤالى لل بعدى

ما هو اكثر شىء ندمت عليه فى حياتك ؟؟؟؟

ده سؤال عام ياكارى
احنا عاوزين سؤال للشباب
احرقيلنا دمهم ياحبيبتى

ليه بس كده يا انجل
بلاش نحرق دمهم كفايه الى هما فيه

معلش ياكارى خليها عليكى

انتوا اعدين بتعملوا ايه هنا من ورايا

بقى انا اعد ادور عليكوا بره وانتوا مستخبيين هنا

احنا مش مستخبيين ولا حاجة
ويالا حد يجاوب
ممكن الشاب يتجوز واحدة اكبر منه عشان هى معاها فلوس وممكن تساعده فى حياته واهى شكلها كويس مش بطالة احسن من البنات بتوع اليومين دول واهى كمان وظيفة حلوة ومستقبل كويس
يشتغل دلوقتى جوز الست وكلها 3 او 4 سنين ويبقى الوريث الوحيد
ايه رايك بتفكير الشاب ده؟ وعلى فكرة فى ناس كدة فعلا
دى حقيقة
عشان بس محدش يقلى لا مبيحصلش الكلام ده

عايزة اشوف شبابنا العسولين وردودهم