اسئلة لازم الكل يجاوب عليها كلها

_هل انت تفعل ما تقوله هنا بالمنتدى ؟

من ناحيه ايه

ولواراء اكيد بعملها لو نصائح او مواعظ في حاجات كتير اكيد بعملها واكيد بحاول اعمل اللي ماكنتش بعمله من النصائح اللي بديها

_ اعتذار تريد ان تقدمه لمن ؟

لاي حد اكون ضايقته بس بصراحه مافيش حد على بالي لانك عارفه ياانجولتي اني مابضايقش حد

_ ما ردة فعلك عندما يقول لك حبيبك : أحبك نعم أتزوجك لا ؟

اللي هيقولي كده اكيدمش حبيبي من اصله ده انسان معفن لا ده حيوان

_ ماذا ستكتب لنا لتعبر عن حياتك التي عشتها الى الان في كلمات قليله ؟

حياتي الحمد لله راضيه عنهاكلها كانت مذاكره والحمد لله دخلت كليه راضيه بيها

_ اذا اردت ان تبكي الان , فعلى من تبكي ؟

على تيته الله يرحمها

_ من ستختار ليمسح دموعك ؟

ماما

_ لو خيروك بين حبيبك وبين اعز صديق فمن تختار ؟

لا اعز صديق طبعااا الحبيب مش مضمون ابدااا


8_ ماهو تقييمك لهذا المنتدى بصراحه ؟

منتدى حلو اكيد بس ناقصه مشاركات الاعضاء

9_ من يسكن قلبك؟

بعد الله عز وجل اسرتي واصحابي

_ هل تعتقد ان حظك سيئ ؟

لا الحمد لله انا حاسه ان حظي حلو ومحظوظه في معظم الاوقات محظوظه باسرتي المتفاهمه جدااا وباصحابي


11_ هل تدخل الشات ، لماذا ؟

اول ماعرفت النت جربت ودخلته لكن مابقتش احب ادخله لان لقيت معظم الناس اللي عليه تافهه وباسمع وبقرا عن بلاوي بتحصل سببها بدايه هو الشات

اسئلتك طويله اوي

شويه وهرجع اكمل اسئله

مستنينك ياشوشو باجاباتك الجميييييييييييييييييييلة

هل هزمك حزنك في يوما من الايام ؟

انا لما بزعل مش بعد كتير زعلانه انا بخرج من حزني على طول

_ ((مستحيل انساك)) لمن تقولها ؟

لاصحابي اللي بحبهم لو القدر باعد بيننا يارب مايحصلش ابدااا يارب لا ياانجولتي ياصحبتي ياحبيبتي

_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

اكيد في الامتحانات لو راح مني سؤال كنت عارفاها بس هقول نصيب بقى الحمد لله

_ (( انت كل شيء بحياتي )) لمن تقولها ؟

ماما وبابا واخواتي ربنا يخليهم لي

_ متى اخر مره بكيت ؟

قريب في الفتره اللي كنت بذاكر فيها ماده الميكرو لان المده كانت صغيره على الماده خمس ايام على 3كتب

اكيد مش ناسياها ياانجل ربنا لا يعودها ماده

_ اي الدول تتمنى ان تزورها ؟

ربنا يسهل نفسي اسافر امريكا اكمل دراسات هناك وعايزه اروح السعوديه علشان واحشني جداا الحرم

_ هل لديك الجرأه ان تقول عمرك أمامنا ؟

اه طبعااا ماهو مكتوب قدامي 19 وداخله في العشرين ادعولي اتاخر شويه على ماادخل

هل انت راضي عن نفسك ؟

الحمد لله راضيه

_ بماذا تقر وتعترف أمامنا الان ؟

اقر واعترف انك بحبك اوي ياانجل ويارب تدوم صداقتنا مع بعض طووووووول العمر

كفايه انا تعبت من الاجابه

جاوبي انتي شويه ياانجل على الاسئله كلها

انا هرتاح شويه وهكمل

((مستحيل انساك)) لمن تقولها ؟

لاصحابي اللي بحبهم لو القدر باعد بيننا يارب مايحصلش ابدااا يارب لا ياانجولتي ياصحبتي ياحبيبتي

بماذا تقر وتعترف أمامنا الان ؟

اقر واعترف انك بحبك اوي ياانجل ويارب تدوم صداقتنا مع بعض طووووووول العمر
ـــــــــــــــــــــــــــــــــــــــــ
ربنا يخليكى ليا ياشوشو ياحبيبتى يارب


متى اخر مره بكيت ؟

قريب في الفتره اللي كنت بذاكر فيها ماده الميكرو لان المده كانت صغيره على الماده خمس ايام على 3كتب

اكيد مش ناسياها ياانجل ربنا لا يعودها ماده
ـــــــــــــــــــــــــــــــ
امين يارب كانت ايام مايعلم بيها الاربنا

1ـ على ما اعتقد
2ـ لكارى وتوتا
3ـاشعر بأنى كنت بحب شيطان
4ـ عايش الحاضر برجلى والمستقبل بخيالى
5ـ على من احب وفارقنى
6ـ اصدقائى
7ـسؤال صعب اوى بس هختار الأقد وهيبقى صديقى
8ـمعقول لآنه ناقصه بعض التعديلات
9ـ الاهل بالبيت
10ـ لا لانى بعتقد انى احسن من غيرى
11ـ نعم ، علشان اتعرف على بنات جديده ارخم عليهم
12ـ لالالالالالالالالالالالالالالالالا لانى لن اترك له تلك الفرصه لكى يتمكن منى من الممكن انى قلبى يمتلئ حزن وفمى ممتلئ ضحك
13ـ للاهل بالبيت واصدقائى ومن احب
14ـ الثانويه العامه
15ـ للاهل بالمنزل
16ـمش فاكر تحديدا بسممكن ايام الامتحانات لانى كنت بتخيل مواقف حزينى تدفعنى للبكاء ولكن سرعان ما اتملك نفسى
17ـ السعوديه
18ـ السابعه عشر 17
19ـ مش اوى بس الحمد لله
20ـ مش لاقى حاجه اعترف بيها
21ـ مفيش حاجه جت على بالى لانى مجبر
22ـ الزواج العاطفى ، لانه اكثر عمرا فى العمليه الزوجيه واصلحهم واحسنهم
23ـ شهادتى الجامعيه لانها مستقبلى وكانت تعبى فى الماضى
24ـممكن
25ـ اعترف فى حدود الادب والاحترام
26ـ لا
27ـ لا يتوقف عقلى بدون التفكير والتخيل فى المستقبل
28ـ خيال حبيبتى القادمه
29ـ تحفيظ القرآن الكريم لجميع البشر
30ـلا اعلم الكره
31ـ الغاء بعض المنتديات اللى ملهاش اى لزمه مثل منتديات الكليات والسيارات والرياضه كمان
32ـ نعم
33ـ طيقه كلامه تعبر عنه
34ـ افعل اشياء تؤدى الى الأخطأ
35ـاذا اردت ان تفعل المعصيه فيجب عليك انت تبحث عن مكان لا يراك فيه احد
36ـ الهزار الكتير
37ـ محمد ـ منه
38ـ هعمل حاجات كتير هغير حاجات كتير فى حياتى و هحج
39ـ مش فاهم السؤال
40ـ بصراحه جامد بس طويل اوى انا عرقت لغايه لما خلصته اما ايه راى فى صحبه فهو من اعز الاعضاء بالنسبالى والى الامام دائما

1_هل انت تفعل ما تقوله هنا بالمنتدى ؟

غالبا

2_ اعتذار تريد ان تقدمه لمن ؟

الحمد لله لسه مغلطتش فى حد

3_ ما ردة فعلك عندما يقول لك حبيبك : أحبك نعم أتزوجك لا ؟
ممكن اقتله ساعتها

4_ ماذا ستكتب لنا لتعبر عن حياتك التي عشتها الى الان في كلمات قليله ؟

عرفت ناس كتير جدا وحبيتهم وناس قرفت من نفسى قوى لما عرفتهم على حقيقتهم

5_ اذا اردت ان تبكي الان , فعلى من تبكي ؟

هبكى على واحده قريبتى توفت

6_ من ستختار ليمسح دموعك ؟
بابا

7_ لو خيروك بين حبيبك وبين اعز صديق فمن تختار ؟
انتى بتحريجينى كده يا انجل بس اعتقد انى هختار صديقه

8_ ماهو تقييمك لهذا المنتدى بصراحه ؟
كويس

9_ من يسكن قلبك؟
شخص ما ؟؟؟؟؟؟

10_ هل تعتقد ان حظك سيئ ؟
لا الحمد لله على كل حال سواء حلو او وحش

11_ هل تدخل الشات ، لماذا ؟
لا مبحبوش حاسه انه ممل هوه اه بيعرفنا على ناس جديد بس فيه ناس بتستخدمه غلط

12_ هل هزمك حزنك في يوما من الايام ؟
هوه هزمنى فعلا بس الحمد لله اتصديت له

13_ ((مستحيل انساك)) لمن تقولها ؟

( انجل حبيبتى واختى بجد )

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
انى مجبتش مجموع فى الثانوى

15_ (( انت كل شيء بحياتي )) لمن تقولها ؟
( شخص ما )

16_ متى اخر مره بكيت ؟
من يومين

17_ اي الدول تتمنى ان تزورها ؟
انا نفسى بجد اروح السعوديه نفسى اروح مكه والمدينه
وعايزه اروح بعد كده فرنسا

18_ هل لديك الجرأه ان تقول عمرك أمامنا ؟
اه عادى جدا جداااااااا انا عندى 20 واربع شهور وكام يوم كده

19_ هل انت راضي عن نفسك ؟

الى حد ما اه يعنى

20_ بماذا تقر وتعترف أمامنا الان ؟
اقر واعترف انى بجد مش هلاقى صديقه مخلصه زى انجل بغض النظر عن الرساله الى بعتتها ليه امبارح ( وخاده بالك يا انجل ) وانى بجد عرفت ناس محترمه على المنتدى ده
زى سبايدر وروميو وشوشو ورورو وتوتا وناس كتير طبعا


21_ اغمض عينيك دقيقه لو سمحت, ماذا خطر على بالك وانت مغمض العينين ؟
اتمنيت انى اشوف بابا قدامى عينى وياخدنى فى حضنه لان بابا مسافر

22_ هل تؤيد الزواج العاطفي ام الزواج التقليدي ؟ ولماذا ؟
الزواج العاطفى علشان يكون فيه حب ووفاء بينهم

23_ ايهما اهم شهادتك الجامعيه أم الزواج ممن تحب ؟
الشهاده الجامعيه

24_ هل من الممكن ان تتحول الصداقه الى حب ؟
ممكن جدااااااا

25_ هل تعترف بشيء اسمه الصداقه بين الرجل والمرأة ؟
اه بعترف بس فى حدود الادب والاحترام بينهم

26_ هل كنت السبب في يوما من الايام ان تدمر حياة شخص سواء العمليه او
الاجتماعيه او العاطفيه؟
لا الحمد لله

27_ هل انت مدمن تفكير؟
جدااااااااا

28_ من هو اكثر شخص تفكر فيه ؟
( شخص ما )

29_ اذا تم تعيينك ملكا لجميع البلاد العربيه فما اول قرار ستتخذه ؟
انى الناس كلها تبقى زى بعض مفيش حد احسن من حد
واول حاجه اعلمهالهم افهمهم دينهم بينص على ايه

30_ هل تكره شخص بشده في حياتك ؟
مبحبش اكره حد لان الى بيحب بجد ميقدرش يكره مهما كان

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
نفسى الاقى اعضاء كتير ونفسى الكل يرد على المواضيع

32_ هل ملابس الشخص امامك تؤثر فيك لتأخذ عنه انطباع ؟؟
لا طبعا

33_ ماالذي يلفت انتباهك بسرعه في الشخص لكي تعجب به ؟
اسلوبه

34_ اذا احببت شخصا في الوقت الخطأ وفي المكان الخطأ فماذا تفعل ؟؟
هبعد عنه فورا بدون اى تردد

35_ حكمة تؤمن بها جدا ؟؟
( انا واخويا على ابن عمى وانا وابن عمى على الغريب )
طبعا انتوا مستغربين بس ده الى بيحصل فعلا

36_ عاده تفعلها دائما تتمنى ان تتركها ؟
العصبيه

37_ ماهو اجمل اسم لولد واجمل اسم لبنت من وجهة نظرك؟
محمد ---- منى

38_ ماذا تفعل اول شيء اذا ربحت ملايينا او مليونا عشان مانكون طماعين ؟
علشان ما كدبش هشوف انا محتاجه ايه وهعمله واكيد هساعد اى حد محتاج المساعده

39_ هل انت من لديهم رغبة حب التملك واذا تملك الشيء اصابه الملل منه ؟
لا خالص

40 _ مارأيك في هذا الموضوع بصراحه ، وصاحبه ؟

الموضوع جميل جدااااااااااا
وصاحبته الاجمل منه لانها انجل حبيبتى

انا رجعت هكمل الاجابات

21_ اغمض عينيك دقيقه لو سمحت, ماذا خطر على بالك وانت مغمض العينين ؟

اسكتي ياانجل مش قادره اقولك خطر على بالي النتيجه وياترى ايه اخبار درجات الفارما

22_ هل تؤيد الزواج العاطفي ام الزواج التقليدي ؟ ولماذا ؟

انا من رايي انه لازم يكون في اعجاب بين الطرفين

مش انه حب ولا انه تقليدي اوي ومايعرفوش بعض ممكن يكونوا يعرفوا بعض وفيه اعجاب ويتقدملها

23_ ايهما اهم شهادتك الجامعيه أم الزواج ممن تحب ؟
الشهاده الجامعيه طبعاااا

24_ هل من الممكن ان تتحول الصداقه الى حب ؟
اه اكيد ممكن

25-_ هل تعترف بشيء اسمه الصداقه بين الرجل والمرأة ؟

انا بصراحه مش بايدها

26_ هل كنت السبب في يوما من الايام ان تدمر حياة شخص سواء العمليه او
الاجتماعيه او العاطفيه؟

لا الحمد لله انا في حالي مابدمرش حد

27_ هل انت مدمن تفكير؟
اكيد مافيش انسان عقله بيتوقف عن التفكير

28_ من هو اكثر شخص تفكر فيه ؟

ممكن يكون فتى الاحلام


29-_ اذا تم تعيينك ملكا لجميع البلاد العربيه فما اول قرار ستتخذه ؟

اول حاجه هعملها بخصوص التعليم في مصر اني اخلى ماده التربيه الدينيه اهم المواد وتضاف للمجموع لان دلوقتي ماده الدين ماحدش بيهتم بيها

ثانياا بالنسبه للحياه الاجتماعيه ارفع المرتبات واخفض الاسعار

وهحاول اوفر فرص عمل للشباب باقامه المشروعات

واحاول ازود منتجات الدول العربيه واكفي الناقص والزياده بين الول العربيه وبعضها يعني مايصدروش لدول اجنبيه


30_ هل تكره شخص بشده في حياتك ؟
لا الحمد لله انا مابكرهش حد

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

نفس اقتراح كاري


32_ هل ملابس الشخص امامك تؤثر فيك لتأخذ عنه انطباع ؟؟

احيانااا

33_ ماالذي يلفت انتباهك بسرعه في الشخص لكي تعجب به ؟

كلامه

34_ اذا احببت شخصا في الوقت الخطأ وفي المكان الخطأ فماذا تفعل ؟؟

اكيد هبعد عنه واحاول اتخلص من الحب الخطا ده

35_ حكمة تؤمن بها جدا ؟؟

لا تؤجل عمل اليوم الى الغد اكيد بؤمن بيها جدااا خاصه في الكليه بتاعتنا دي

36_ عاده تفعلها دائما تتمنى ان تتركها ؟

النفرزه والعصبيه برده

37_ ماهو اجمل اسم لولد واجمل اسم لبنت من وجهة نظرك؟

اجمل اسم بنت شيماء وولداحمد

38_ ماذا تفعل اول شيء اذا ربحت ملايينا او مليونا عشان مانكون طماعين ؟

هجيب اللي انا عايزاه وهفتح مستشفى واكيد هعالج الناس ببلاش وهدي هدايا للعيانين الغلابه

يلا شويه دعايه هههههههههه


39_ هل انت من لديهم رغبة حب التملك واذا تملك الشيء اصابه الملل منه ؟

لا ماعنديش حب التملك


40 _ مارأيك في هذا الموضوع بصراحه ، وصاحبه ؟

موضوع عسل زي صاحبته السكر انجل

يلا بقى لازم انجل تجاوب

عايزين انجل عايززززييييييييييييييين انجل

العبى بعيد ياشوشو
شيلوا العيال الصغيرة دى من المنتدى

1_هل انت تفعل ما تقوله هنا بالمنتدى ؟
لو حاجة مفيدة اكيد بعملها

2_ اعتذار تريد ان تقدمه لمن ؟
لأي حد ضايقته من غير مأقصد
3_ ما ردة فعلك عندما يقول لك حبيبك : أحبك نعم أتزوجك لا ؟
هسيبه وامشي لأنه اكيد مقدرش الحب ده
4_ ماذا ستكتب لنا لتعبر عن حياتك التي عشتها الى الان في كلمات قليله ؟
انا لحد دلوقتي مستني النتيجة وربنا يسهل
5_ اذا اردت ان تبكي الان , فعلى من تبكي ؟
انا من النوع الاحب اني ابقى قوي ومبكيش بسهولة خالص
6_ من ستختار ليمسح دموعك ؟
بفضل ان ميشفهاش حد
7_ لو خيروك بين حبيبك وبين اعز صديق فمن تختار ؟
هختار الشايفه مقدر وجودي جمبه

8_ ماهو تقييمك لهذا المنتدى بصراحه ؟
جميل وفعال
9_ من يسكن قلبك؟
أعز أصدقائي
10_ هل تعتقد ان حظك سيئ ؟
لا
11_ هل تدخل الشات ، لماذا ؟
كنت بدخلو من زمان بس دلوقتي لا
لقيتو ممل وكلو كذب
وكنت بدخله للتسلية بس
12_ هل هزمك حزنك في يوما من الايام ؟
لالالالالالالالا
13_ ((مستحيل انساك)) لمن تقولها ؟
حاليا لأعز اصدقائي اذا اتخاصمت معاه
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟
اني أحاول ابدأ صفحة جديدة
وانا من النوع المبفكرش بالماضي واتعب نفسي بالتفكير ده
15_ (( انت كل شيء بحياتي )) لمن تقولها ؟
أعز اصدقائي
16_ متى اخر مره بكيت ؟
يمكن ايام الاعدادية
لكن دلوقتي بقيت واحد تاني خالص
17_ اي الدول تتمنى ان تزورها ؟
نفسي اروح لأي دولة تقدر العندو موهبة كورة فعلا
زي اسبانيا
حلمي اروحها واجرب حظي هناك والمشروع ده في دماغي جامد
18_ هل لديك الجرأه ان تقول عمرك أمامنا ؟
اه
19_ هل انت راضي عن نفسك ؟
مش أوي في غلطات بردو الواحد بيقع فيها
20_ بماذا تقر وتعترف أمامنا الان ؟
الصداقة كنز لا يعوض حاول ان لاتخسر صديقك الذي كسبته

21_ اغمض عينيك دقيقه لو سمحت, ماذا خطر على بالك وانت مغمض العينين ؟
اخلص من كابوس اسمو ثانوية عامة
22_ هل تؤيد الزواج العاطفي ام الزواج التقليدي ؟ ولماذا ؟
العاطفي طبعا ولو ملقتش اليفهمني خالص يبقى عمري مهتجوز
لأن الإنسان ده هيبقى شريك حياتي ومستقبلي كلي لازم ابقى بحبه
23_ ايهما اهم شهادتك الجامعيه أم الزواج ممن تحب ؟
شهادتي طبعا لأنها مستقبلي
24_ هل من الممكن ان تتحول الصداقه الى حب ؟
اه ممكن جدا
25_ هل تعترف بشيء اسمه الصداقه بين الرجل والمرأة ؟
اعترف بها وأؤيدها الى حد ما
وافتكر ان لو اتنين فهموم بعض كويس على انهم اصدقاء
افتكر انهم هيبقو اصدقاء وجامدين جدا كمان
26_ هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا والحمد لله
27_ هل انت مدمن تفكير؟
ممكن اكون خيالي اكتر انما مبحبش اتعب دماغي وافكر في المستقبل
28_ من هو اكثر شخص تفكر فيه ؟
اليقدرني والألاقيه فاهمني
ده اكيد بيبقى حياتي كلها
والحمد لله لقيتو
29_ اذا تم تعيينك ملكا لجميع البلاد العربيه فما اول قرار ستتخذه ؟
انا عاوز ابقى لاعب كورة مش ملك
30_ هل تكره شخص بشده في حياتك ؟
اه
31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
هوة مش اقتراح هوة نصيحة
ان الادمين ميهملش منتداه ويهتم بيه ويتابعه
32_ هل ملابس الشخص امامك تؤثر فيك لتأخذ عنه انطباع ؟؟
اكيد
33_ ماالذي يلفت انتباهك بسرعه في الشخص لكي تعجب به ؟
عينيه
34_ اذا احببت شخصا في الوقت الخطأ وفي المكان الخطأ فماذا تفعل ؟؟
مفكترش في حاجة زي كدة لسة
35_ حكمة تؤمن بها جدا ؟؟
الصداقة كنز
حاول ان لا تخسر صديقكك الذي كسبته
على فكرة الحكمة دي من عقلي مش سمعتها قبل كدة
36_ عاده تفعلها دائما تتمنى ان تتركها ؟
اني ابقى واقعي شوية
37_ ماهو اجمل اسم لولد واجمل اسم لبنت من وجهة نظرك؟
يوسف و وولاء
38_ ماذا تفعل اول شيء اذا ربحت ملايينا او مليونا عشان مانكون طماعين ؟
هعمل كل حاجة نفسي فيها وطبعا احب اسعد الحوليا معايا
بس ملحوظة
ونبي يا انجل خليهاملايين يمكن ربنا يكرم
ادهي انتي بس

هل انت من لديهم رغبة حب التملك واذا تملك الشيء اصابه الملل منه ؟
انا احب الزعامة وقوة الشخصية مش التملك

[/size]

هادعيلك ياسبيدر بس ابقى افتكرنا بحاجة


وجاء دورى
عشان خطرك ياشوشو

انت تفعل ما تقوله هنا بالمنتدى ؟

لا انا اقول ماافعل

2_ اعتذار تريد ان تقدمه لمن ؟

لبابا عشان انا بحس انى مبسمعش كلامه خالص

3_ ما ردة فعلك عندما يقول لك حبيبك : أحبك نعم أتزوجك لا ؟

هاديله بالشلوت

4_ ماذا ستكتب لنا لتعبر عن حياتك التي عشتها الى الان في كلمات قليله ؟

لحد دلوقتى مش حسة انى حققت حاجة
بس ممكن اقول انى نجحت انى اخلى بابا وماما يفتخروا بيا كانسانة ممكن افيد الناس فى يوم ما
وانى معايا اوفى اصحاب واجمل اخوات فى الدنيا ربنا ميحرمنيش منهم ودى هى اجمل حاجة فى حياتى

5_ اذا اردت ان تبكي الان , فعلى من تبكي ؟

على معصية اتمنى ان يسامحنى الله عليها

6_ من ستختار ليمسح دموعك ؟

مش هختار حد يمسح دموعى اللى نزلت خلاص بس اتمنى من ربنا انه يزيل دموعى اللى لسة جوايا

7_ لو خيروك بين حبيبك وبين اعز صديق فمن تختار ؟

لانى مش مستعدة ان يكون ليا حبيب فاكيد مفيش غير الصديق


8_ ماهو تقييمك لهذا المنتدى بصراحه ؟

جميل واعضاءه عسولين جدا
بس بحس ساعات انه شبه الشات وانا بشارك برضه فى العيب ده
مش ملاك اوى يعنى

9_ من يسكن قلبك؟

الله سبحانه وتعالى

10_ هل تعتقد ان حظك سيئ ؟

ساعات بحس كدة بس هى مبتكنش اكتر من زلة شيطان والحمد لله برجع عن رايى
لانى فعلا من اكتر الناس حظا
لانى عندى اصدقاء واسرة حلم لكل انسان

11_ هل تدخل الشات ، لماذا ؟
عارفاه الشات ده بتاع اسمك ايه وعندك كام سنة وفى كلية ايه وممكن ايميلك وبعد كدة رقم التليفون
مش هو ده برضه الشات

انا كنت بدخل زمان وكتير
بس الحمد لله بطلت عشان عرفت انه ضار بالصحة

12_ هل هزمك حزنك في يوما من الايام ؟

لا ابدا

13_ ((مستحيل انساك)) لمن تقولها ؟

لاى حد حبيته اوى واى حد كرهته اوى

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

هقصد انى لازم ابص للمستقبل عشان هو اللى فيه الاامل انما الماضى عمره ماهيرجع ولاهتفيد ذكراه

15_ (( انت كل شيء بحياتي )) لمن تقولها ؟
لنا كتير مقدرش استغنى عنهم ابدا


16_ متى اخر مره بكيت ؟

من نص ساعة
كنت بتفرج على مسلسل ماساوى اوى

17_ اي الدول تتمنى ان تزورها ؟

البلد دى احسن من غيرها

18_ هل لديك الجرأه ان تقول عمرك أمامنا ؟

لامقدرش مقدرش

19_ هل انت راضي عن نفسك ؟

تقريبا

20_ بماذا تقر وتعترف أمامنا الان ؟

انى احبكم كلكم واتمنى اننا نكون اصدقاء دايما

21_ اغمض عينيك دقيقه لو سمحت, ماذا خطر على بالك وانت مغمض العينين ؟

الموت

22_ هل تؤيد الزواج العاطفي ام الزواج التقليدي ؟ ولماذا ؟

التقليدى
لانى دقة قديمة

23_ ايهما اهم شهادتك الجامعيه أم الزواج ممن تحب ؟

الزواج بمن احب

24_ هل من الممكن ان تتحول الصداقه الى حب ؟

ممكن

25_ هل تعترف بشيء اسمه الصداقه بين الرجل والمرأة ؟

صداقة لا زمالة اه
مع انى ليا اصحاب
بس انا عارفة انها مهما كانت فهى مؤقته

26_ هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

الا الحمد لله
ولو كان حصل ربنا يسامحنى ويغفر لى

27_ هل انت مدمن تفكير؟

مووووووووووووووووووووووووووووت بس انا شايفه ان ده العادى للانسان عشان ربنا خلقه كده واللى مبيحبش يفكر ده اكيد بيكون انسان معاق او مريض ربنا يشفيهم ويعينهم على بلاءهم

28_ من هو اكثر شخص تفكر فيه ؟

مفيش حد معين

29_ اذا تم تعيينك ملكا لجميع البلاد العربيه فما اول قرار ستتخذه ؟

انى اتنازل عن الملكية دى لحد تانى

30_ هل تكره شخص بشده في حياتك ؟

ايوة

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

اشتراك الاعضاء فى بقية المنتديات
حذف المنتديات اللى ملهاش لزمة
ضم منتديات الصور كلها وصور المطربين فى منتدى واحد
اعادة المنتدى الطبى

32_ هل ملابس الشخص امامك تؤثر فيك لتأخذ عنه انطباع ؟؟

شكل ملابسه لا انما طريقه لبسه ايوة

33_ ماالذي يلفت انتباهك بسرعه في الشخص لكي تعجب به ؟

طريقة كلامه ونظرات عنيه

34_ اذا احببت شخصا في الوقت الخطأ وفي المكان الخطأ فماذا تفعل ؟؟

لو الوقت خطا فعلا والمكان خطا يبقى اكيد عمرى ماهحبه

35_ حكمة تؤمن بها جدا ؟؟

ان الله لايضيع اجر من احسن عملا

36_ عاده تفعلها دائما تتمنى ان تتركها ؟

انى ابين كرهى لحد مبحبهوش

37_ ماهو اجمل اسم لولد واجمل اسم لبنت من وجهة نظرك؟

محمد وايه

38_ ماذا تفعل اول شيء اذا ربحت ملايينا او مليونا عشان مانكون طماعين ؟

اتمنى ان ده ميحصلش ابدا

39_ هل انت من لديهم رغبة حب التملك واذا تملك الشيء اصابه الملل منه ؟

لا الحمد لله

40 _ مارأيك في هذا الموضوع بصراحه ، وصاحبه
انا عجبنى الموضوع ده علشان كدة نقلته
صاحبة
مممممم
مش بطال وللا انتوا عندكوا راى تانى ؟ السكينة فى ايدى اهى

ايه الاجابات الجامده ديه يا انجل
بس فين باقى الاعضاء ؟؟؟؟؟؟؟

ميرسى ياكارى
بقيت الاعضاء على وصول بعتنا نجيبهم

اجاباتك فعلااا جامده جامده ياانجل

ميرسي على استجابتك لطلب العيله شوشو :) :)

واكيد المسلسل الماساوي ده انا عارفاه علشان انا كمان كان كل الاسره امبارح كانت بتتريق عليا

وانا بعيط عليه :( :( :(

ههههههههههه
كان فظيع جدا ياشوشو وكمان كنت بتفرج على فيلم رعب قبله فالحكاية باظت منى خالص

مفيش حاجه تستاهل ان الواحد يبكى عليها

اصلك ماتعرفيش ياكاري احنا بنتاثر اد ايه انا وانجل

رهيفين اوي :( :(

الكليه هي اللي عملت فينا كده

اه
الكلية خدت مننا كل حاجة
وسبتلنا الرقة

هيه الكليه بتاعتكوا ديه ممكن تسيب الرقه لحد
انا روحتها مره ومن ساعتها وانا خايفه اروح
وده كله بسبب انجل
لانى لما روحت كانت عايزه تدخلنى المشرحه ودخلت واحده صحبتى
وانا خفت ادخل
وفرجتنا على حاجات وحشه قوى
هيه فين بقى الرقه يا شوشو
انا لما بروح لها البيت بخاف ادخل الاوضه بتعتها
بخاف لان ممكن الاقى جثه تحت السرير ولا حاحه

هههههههههههههههه

ماهو ده السر في رقتنا ( دخووووووووووول المشرحه)

يا نهار ابيض مشرحة مرة واحدة
دأنا مرضاش اعدي من جمبها
هههههههههههههههه

وانا مارضهالكوش برضه ياسبيدر
كدة ياكارى تسييح عام كدة
انا برضه بخاف موت ياى انا باخاف من الاسم الوحش ده خالص
وانا مش باخوف حد بيجيلى الكلية ياكارى انتى وحشة

انا برده
الله يسامحك
هروح اقوول ل طنط انك شتمتينى وهيه هتاخدلى حقى منك

لالالالالالالالالالالالالالالالالالالالالالالالالالالالالالالالالا


مقدرش اشوف كاى حبيبتى وانجوليا حبيبتى وهما حبايب بيتخنقوا مع بعض

يا فتيات اكيد شيطان دخل ما بينكم انتوا بس استعيذوا من الشطان الرجيم وهتبقوا كوييسين وابقوا ادعولى


ومتنسوش انى خلتكم تصالحوا بعض فكل واحده تطل اللى فيه النصيه وتبعتهولى اوك وبلاش نصب احنا مش فى اتوبيس


ومتزعلوش مع بعض دا انتوا اخوات والعبوا مع بعض راحه

وانتى العبى شويه وهى شويه

ومتزعلوش انى طولت عليكم

عشان البقين الحلوين دول ياروميو
انا مش هاكلم كارى تانى

ربنا يخليكى ويعجبك بقى علطول

فرحان انت دلوقتى ياروميو

اكيد فرحان

انت بتفرح فى المصايب ياروميو
ياساتر عليك انت قلبك اسود قووووى

بس برده انا بحب انجل وبموت فيها
واخرج انت منها

ههههههههههههههه
وانا كمان ياكارى

انا خارج بس مش منها

امال من مين

من الشقه

بالسلامة

الله يسلمك انجوليا

هو محدش هيجاوب تانى وللا ايه

مفيش حد تانى هيرد دا انتى طماعه اوى

متنساش تقفل باب الشقه بالمفتاح ياروميو

اوك


اعتبريه انقفل


هو انتى بتخافى من الحرميه ولا ايه ؟


هيسرقوا ايه يا حاسره

ههههههههههه

يابنى انا مش خايفه منهم
انا خايفه عليهم
ههههههه

يا ساتر يا ساتر


يا حراميه يا ولاد الحلال

ابعدوا عن بيت كارى احسنلكم


لاحسن الواضح انها ......... اووووووووووووووووووى

قصدقك طبعا تقول
انها كريمه قوووووووووووووووووى
هههههههههههه
صح ؟؟؟؟؟؟؟؟

لا طبعا




كريمه دى واحده تانيه انتى متعرفهاش