نقاشات جاده بين البنات والشباب

فكره حلوه ياتوتا

مين اللي هيبدا؟؟؟

هو موضوع المعاكسات ده انتي بداتي بيه ولا انتي بتدي مثال؟؟

هو مثال وراي فى نفس الوقت بس بتمنى ان كل الاعضاء
يشتركوا فى الموضوع ده لان هيبقى ليه تغير كبير بين نظر ة الشباب للبنات والعكس

فكره حلوه ياتوتا

مين اللي هيبدا؟؟؟

هو موضوع المعاكسات ده انتي بداتي بيه ولا انتي بتدي مثال؟؟

حلوه الحرب اللي احنا فيها دي

بصراحه في الموضوع ده انا مش عارفه انا هدافع ولا ههاجم

بصراحه موضوع المعاكسات ديه

اللي بيقوم بيها شباب فاضيه بتتسلى

وطبعااا كتير بيقول ان البنات هي السبب باللبس اللي هم بيلبسوه

اوك انا مع اللي بيقول كده

بس الشباب هم مالهم ماتلبس اللي تلبسه هو الكلمه اللي الشاب هيرميها في المعاكسه هي اللي هتخلي البنت دي تحترم نفسها وتلبس محتشم؟؟

ماافتكرش!!

فمتهيالي حل المشكله دي ان الشباب يلاقوا حاجه يشغلوا بيها وقتهم

لان السبب في ده كله هو فراغ الوقت

ومنتظرينك ياروميو حتى تجمع االمعلومات والادله الكافيه

انا من توقعى ان مكسات الشباب على الفاضى والمليان هى اللى خلت البنات ما يحترموش نفسهم فى لبسهم فياريت الشباب تخف من المعاكسات علشان بردوه البنت تخف من اللبس اللى مش عاجبهمولا ايه

بصوا من الاخر بقى كده
وده راى ومش هغيره خالص ابدا ابدا
انا من راى ان السبب فى ده كله التربيه فين الاهل الموجوده فى البيت راحوا فين
ليه بقوا مشغولين عن اولادهم
ليه بيسيبوا بناتهم يخرجوا باللبس ده
وليه ميعرفوش اولادهم ان عيب انه يدايق اى بنت فى الشارع لان ممكن اخته تكون فى نفس الموقف
انا عايزه اعرف ليه الاخل بقوا مقصرين مع اولادهم
طبعا هيقولوا احنا عايزين نأمن ليهم مستقبلهم طيب ما هوه ده مستقبلهم
ان هما يربوهم تربيه سليمه تنفعهم لان الفلوس مش كل حاجه
فيه ناس معاه فلوس بس للاسف اخلاق زى الزفت
وفيه ناس بتقضى عشاه نوم بس تلاقى اولادهم مشاء الله عليهم محترمين
وعندهم اخلاق

فا من الاخر وده راى ان الغلط الاول والاخير على الاهل ؟؟

وسورى لو طولت عليكم بالكلام

انا بقا هاستنى الادلة والمعلومات الكافية من روميو
وميرسى ياتوتا على موضوعك

ياسلام عليكي ياانجل

تحبي يكون قدانك كل الادله والبراهين والمعلومات الكافيه

علشان تترافعي

محاميه شاطره فعلااا

الصراحه بعدما رأيت تلك الردود مع احترامى للجميع

شد انتباهى رأى وانا بعتبره احسن رد منهم واشملهم

لان بجد كل ده يرجع ويصب على العيله والاهل

ازاى يسبوا ابنهم بره لحد الفجر فى الشارع وميعرفوش هو بيعمل ايه و لا حتى اعد مع مين ؟

وبرده ازاى يسبوا بنتهم تنزل من باب الشقه من غير ماشوفوا هى لبسه ايه ورايحه فين وهتعمل ايه ؟

كل الاسئله دى يجب ان تكون مطروحه من الاهل امام الابناء

وان شاء الله بعد انتظاركم جميعا وتشوقكم لموضوعى

ان شاء الله هبتدى فيه علشانك بس مش عاوز بنت من البنات تزعل من الممكن انه يكون فيه هجوم للبنات والولاد بس مش عاوز حد يزعل

انا معجبه جدا بكل الردود وخصوصا راى كارى
لان الاهل هما العامل الاساسى فى كده بس على فكره يا روميو
لبس البنت وتصرفها مش دافع قوى يخلى الشباب تعاكس البنات وحصل معايا
النهارده موقف انا واصحابى بايخ جدا انه كان معانا واحده منقبه ولبسه عبايه يعنى لبس محترم ومش
مبينه اى حاجه تلفت النظر ايه السبب فى انه يجى واحد يعاكسها ويقولها عيونك ولا مش عيونك طالما
انت بتقول ان لبس البنت هو السبب فى انها تتعكس يا ترى ايه رايك بعد اللى انا قولته ده

لا تعليق

علشان متزعليش منى

وهو ممكن ميبقاش فى الكلام اللى هقوله حاجه تزعل بس انا برده مش عاوز ارد عليه

ليه يا روميو لا تعليق
معتقدش ان فى حاجه غريبه فى اللى حصل واللى انا قولته
بس انا لازم اعرف كلامك اللى خايف انه يزعل ممكن ميزعلش

الموضوع ده يا توتا انا بعتبره مثل درجات السلم اللى فى نهايته ترين فضى وان تحركتى فسوف تسقطى

وانا حاسس انى وصلت للدرجه دى بسرعه ومش عاوز اقع لانى متخيل انى لو وقت احتمال انى اموت

وده اللى انا شيفه

* ملحوظه
(كل ده من غير النضاره )

الواحد ميستهلش انه يموت عشان موضوع زى ده
عادى يعنى بالنضاره من غيرها مش هايحصلها حاجه

بس انا بردو مش هاضغط عليك عشان
اعرف ايه اللى انت مش عايز تقوله ووخايف ليزعل حد منك

ههههههههههههههههههههه

مرسى بس اقولك على حاجه استنى الادله والبراهين وابقوا معنا

وهنبدأ اول حلقاتنا اول الشهر اللى هيهل

وعلى فكره ممكن تكون صحبتك عنيها حلوه اوى فلو هو اتكلم على عنيها بس فهو اكيد بيفهم لانها من الممكن انها تكون جذبته وانتى عارفه ان فيه بعض الشباب مبيقدروش يمسكوا نفسهم فى حاجات زى دى او فى غيرها

اهم حاجه احب اقولها للبنات خلى بالكم من نفسكم واعملوا اللى يحميكم والحامى من العباد هو رب العباد

والمعاكسات دى مش مشكله اوى ايه يعنى واد عبيط وبيتكلم سيبك منه وكملى طريقك اهم حاجه متلتفتيش ليه

ولا تعطيه ادنى اهتمام لانه ميستهلش الاهتمام

لانه محطش امه ولا اخته ولا مراته ولا بنته قدام عنيه

ومعلش انى طولت عليكى

ماشى احنا هانستنه الادله والبراهين دى
بس انت فى الاول قولت اللبس والتصرفات مقولتش حاجه تانى طب وهى عشان متتعكسش تخبى عنيها ازاى يعنى طب ما الطبيعى اللى بتعمله اى واحده محترمه انها تمشى ولا كانها سامعه حاجه بس بالرغم من كده مش بيسكوتوا بيفضلوا يرخموا ومش بيسكتوا الا لما يسمعوا كلام مش لذيذ
ومعلش انى بردو طولت عليك

لو على اسباب تانيه غير اللبس والتصرفات فأنا مش شايف حاجه دلوقتى تانيه

على فكره انا ساعات بشوف بنات بيتعكسوا واول ما يتكسوا تلاقى البنت هتموت من الفرحه علشان الواد عكسها ( بنات هبله ) الواحد بيشفهم ومبيبقاش عارف يقول ايه اكتر منه يقول انهم ( هبل )

عاوزه تعرفى ايه سبب انه يطول مع البنت فى المعاكسه

علشان لو هى مش محترمه من الممكن انها تمشى معاه

وهو المستفاد بنت هبله هتديله رنات ومش بعيد تديله فلوس وهتموت فى حبه وهتجبله دباديب ومصاصات كتير وما شابه ذلك وحجات تانيه متصحش انا توقع نفسها فيها وتقول يا ريت اللى جرى ما كان

واقولك على حاجه هذه الفئه القليله هى اللى عملت كده فيكم انتوا ايها البنات المحترمات

قلت ادبهم خلت الشباب ميفرقوش بين البنت المحترمه ومن غير ذلك

وربنا يستر

والله اعلى و اعلم

الموضوع بقا تقريبا خناقة
وبرضه مجتش الادلة والمعلومات الكافية
معلش انى طولت عليكو

هههههههههههههههههههه

لا ولا حناقه ولا حاجه هو عباره عن نقاش عادى وصل انه يبقى حاد

والخلاف فى الرأى لا يفسد للوز قضيه

والادله والبراهين دى صعبه اوى ممكن تاخد شهر على مأقدر اخلصها لانها عباره عن صور واراء وحاجات كتير

ok
ونحن فى الانتظار