محكمة الحب

يقال ان الحب اذا وجد له سبب فلا يكون حب

ايه رايك ياروميو فى الراى ده؟

ــــــــــــــــــــــــــــــــــــــــــــــــــــــــ
يحب الرجال بقلوبهم ولكن يتزوجو بعقولهم

ممكن تكون واحد من الرجال دول؟

ــــــــــــــــــــــــــــــــــــــــــــــــــــــــ

ونفس اسئلة سبيدر.............

اذا كنت تفكر ان تحب الان وترتبط بانسانة تكمل معها طريقك وتبدأ معها حياتك
هل تعتقد فعلا انك ستتزوجها وتكون اما لاولادك؟
مع ان سنك لايتجاوز 17 سنة
وكم سنة ستظل مرتبط بها الى ان تكون قادرا على الزواج
وهل هى ستنتظر كل هذا الوقت؟
هل سيوافق اهلها؟
ــــ.........ـــــــ..........ــــــ
اسئلة مؤقتة طبعا على لما افكرلك فى شوية اسئلة حلوة كدة على زوقى

كويس اوي انها جت من عندك ياروميو

بصراحه انا كنت داخله ارشحك ولقيتك رشحت نفسك بنفسك

وماشاء الله كاري وانجل داخلين عليك جامدين اوي

ربنا يعينك

انشاء الله هتجيب مجموع كبير في محكمه الحب

انا دلوقتي لسه مافكرتش في اسئله

بس الاسئله جايه قريب

انتظر

عايزه اسالك ياروميو

لو حبيت بنت وحبيت ترتبط بيها وقالت لك انها حبت قبلك واحد تاني

هل ده هياثر على حبك ليها؟؟؟

يعني ممكن ترتبط بواحده كانت مرتبطه عاطفيا قبلك بواحد تاني

ايه مواصفات فتاه احلامك؟؟؟

وعايزاك تجاوب برده على اسئله سبيدر

عندما تشعر بالحب في هذا السن هل تعتقد ان مشاعرك لن تتغير بعد مرور ثلاث اربع سنين كده؟؟

هل انت مؤمن بالمثل الذي يقول

(البعيد عن العين بعيد عن القلب)؟؟؟؟

بس الموضوع تحفه وشكرا لمستر ميدو على الموضوع ده
واضح يا روميو ان شوشو وكارى وانجل تحالفوا عليك خلى بالك
نفسى تحضروا ادمين امام محكمه الحب لكى يتم استجوابه

شكرا يا جماعة على رددكم على الموضوع

دلوقتى ياروميو انا عايز اسال سؤال صغير

انت دلوقتى لما تيجى تحب بلنظرات ليه بتخاف مجرد تتكلم معاها مش تصارحها بحبك ؟

ايه ياروميو اتاخرت في الجابه ليه

هي الاسئله صعبه ولا ايه؟؟؟

اظاهر ان روميو مش عايز يجاوب
ان خايف ولا ايه ؟؟؟؟؟؟؟؟

والله اعضاء المنتدى دا صعبنين عليا :( :( :( الاسئلة جاية عليهم صعبة

لا يادودى هيصعبوا عليكى ليه
ميصعبش عليكى غالى
ديه اسئله من داخل المنهج

بجد ياكارى دا انا كنت فكراها من خارج المنهج معلشى بقى لسة ما درستش المواد الصعبة دى اعذرينى

الاسئلة من داخل المنهج وفى مستوى الطالب المتوسط

انت صحيح فين ياروميو
على فكرة لازم تجاوب على الاسئلة اول باول عشان كله هيتراكم عليك
يالة بسرعة عشان انا مقلتش اللاسئلة كلها

يا انجل ارحمى بقى حرام عليكى على فكرة شكله سافر من البلد دى

شكله كدة فعلا

الاسئله فعلا كترت عليا يا انجل

والله السبب انى مكنتش اعرف ان الموضوع دخل فى صفحه تانيه الا من ادمن لما قالى امبارح وان شاء الله هحاول اجاوب على الاسئله دى

اولا هبتدى باسألتك يا انجل اوك
ــــــــــــــــــــــــــــــــــــــــــــــــــــــــــــــــــــــــــ

يقال ان الحب اذا وجد له سبب فلا يكون حب

ايه رايك ياروميو فى الراى ده؟


انا معاها ومش معاها يعنى اذا كان الحب وراه غرض غير صحيح ( مادى ومعنوى ) فلا يصبح حب

ويجب الا يكون وراء الحب اى اسباب غير انك تحبها لمجرد انك شعرت بأنها ليك وانت ليها وهناك توافق فى الرغبات

انا على ما اعتقد انى كده جوبت على قد ما فهمت منك السؤال لانه صعب اوى

ـــــــــــــــــــــــــــــــــــــــــــــــــــــــــــــــــــــــــــــــــ



يحب الرجال بقلوبهم ولكن يتزوجو بعقولهم

ممكن تكون واحد من الرجال دول؟

معتقدش لان الله ـ عز وجل ـ خلق لنا القلب حتى نشعر ونحس ونحب به فأذا تزوجنا بعقولنا فهذا لا يصبح حب

وكأنك لم تتزوج امرأه وبعدها تبحث عن سكرتيره


__________________________________________________


اذا كنت تفكر ان تحب الان وترتبط بانسانة تكمل معها طريقك وتبدأ معها حياتك
هل تعتقد فعلا انك ستتزوجها وتكون اما لاولادك؟

اعتقد ذلك والا اصبح ندل

وانا معتقدش انى ندل اوى كده

___________________________________________________________--

وكم سنة ستظل مرتبط بها الى ان تكون قادرا على الزواج

يتراوح بين خمس الى ست سنين

________________________________________________________________

وهل هى ستنتظر كل هذا الوقت؟


معتقدش ان انا اللى المفروض انى اجاوب على سؤال زى ده المفروض تسؤلوها هى

وعمتا مش هتلاقوا حد تسألوه دلوقتى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتتت

هل سيوافق اهلها؟

نفس اجابه السؤال السابق

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اسئلة مؤقتة طبعا على لما افكرلك فى شوية اسئلة حلوة كدة على زوقى

انا فى الا نتظار

انشاء الله هتجيب مجموع كبير في محكمه الحب

انا دلوقتي لسه مافكرتش في اسئله

بس الاسئله جايه قريب

ردا ليكى يا شوشو انا منتظرك

ومدام انتى كنتى عاوزه ترشحينى فأكيد انتى فيه عندك اسئله انا منتظرها

ثانيا ردا على شوشو

ــــــــــــــــــــــــــــــــــــــــــــــــــــــــتت

لو حبيت بنت وحبيت ترتبط بيها وقالت لك انها حبت قبلك واحد تاني

هل ده هياثر على حبك ليها؟؟؟


معتقدش انه هيأثر اوى

لانى هحاول انسيها الحب ده

ولو مقدرتش يبقى هى من طريق وانا من طريق قريب منه شويه علشان لو عايزه حاجه

ـــــــــــــــــــــــــــــــــــــــــــــــــــــــــــــــــ


ايه مواصفات فتاه احلامك؟؟؟


وكاما قال خاتم النبيين سيدنا محمد صلى الله عليه وسلم ( تنكح المرأه لأربع جمالها ومالها ودينها ونسبها .....................)

وانا اكتر حاجتين هبقى متشددلهم اوى هما ( الدين و النسب )

واوعوا تفهمونى غلط بحكايه النسب دى مش قصدى انا عاوز اتجوز بنت وزير ولا حاجه
الموضوع كله بيصب فى انى مش عاوز اتجوز واحده اهلها مشبوهين

ـــــــــــــــــــــــــــــــــــــــــــــــــــــــــــــــــ

عندما تشعر بالحب في هذا السن هل تعتقد ان مشاعرك لن تتغير بعد مرور ثلاث اربع سنين كده؟؟

لا اعتقد انى مشاعرى هتتغير من يوم الى يوم فى الاسوأ

انا بعتقد انى مشاعرى بتتغير دقيقه بعد دقيقه الى الاحسن

وده انا مجربه مع الناس اللى حوليا

لانى لما بحب بحب بجد وبخلص وبوفى اكتر من وفاء نفسها

ـــــــــــــــــــــــــــــــــــــــــــــــــــــــــــــــــــــ


هل انت مؤمن بالمثل الذي يقول

(البعيد عن العين بعيد عن القلب)؟؟؟؟

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا


لست بمأمن به لأن البعيد عن العين بيزدنى شوقا وحبا اليه

__________________________________

الحمد لله جوب على اسألتك يا شوشو

ردا عليكى يا توتا

انا فعلا عاوز ادمين بعد كارى وقولتله كدا علشان هو وهى يبقوا عرفين ادوارهم

ردا على ادمين

ــــــــــــــــــــــــــــــــــــــــــــــــــ
سؤال سهل جدا بس اجابته طويله جدا

انت دلوقتى لما تيجى تحب بلنظرات ليه بتخاف مجرد تتكلم معاها مش تصارحها بحبك ؟

هقولك يا سيدى انت وكل اعضاء المنتدى الموضوع كله يتكمن فى الخوف على الحبيبه ويتضح فى القصه اللى هعملها دى واللى تحته خط هو اللى مانعنى اوى

كان يا مكان جه شاب اسمه روميو قابل وحده فى مكان ما ( محدش يسأل )

وقال روميو : بحبك اوووووووووووووووووووووووووووى

الفتــــــــاه : تنظر الى الارض ووشها يحمر وهى اساسا منفسها تقولى دا انا بمووت فيك

روميو: انتى مش عارفه انا بحس معاكى بأيه

الفتاه : بتحس بأيه قول دا انا بموووووووووووووووووووووووووت فيك

روميو: ممكن رقم تليفونك علشان ابقى اطمن عليكى من وقت للتانى ، وهل من مشكله ؟

الفتاه : رقم تلفونى صعب شويا وهى هتموت وتدهونى علشان نقديها رن ورسايل

اه هو هيبقى فيه مشاكل طبعا بس علشان بابا وماما واخواتى وهتموت انى اكلمها كل دقيقه

قال روميو : اكتبى اسمى روميو

الفتاه : اوكى وهى هتروح كتباه اسم بنت علشان با با وماما واخوتها

وبعد مرور فتره

روميو : ممكن نخرج انا نفسى اخرج وكمان عاوز اخرج معاكى

الفتاه : صعب جدا اصل اقول لبابا وماما ايه وافرض حد شفنا وهى هتموت وتخرج معايا

كفايه كده

عرفتوا ليه مبحبش اروح لحبيبتى اقولها انى بحبها خايف عليه من المشاكل من بابا وماما واخواتها وعلتها ومن اى حد يشوفها ويتكلم عليها ما اصل احنا بلد كلام وبس

والخوف فى الحب اعم واشمل

ملحوظه القصه دى توضيح وبس مش حاجه تانيه




على السؤال المتعب ده ما انا كنت معاك كنت سألتهونى وخلصت بالكلام اسهل واخف

انا ولا سفرت ولا حاجه
والحمد لله جوبت على الاسئله كلها

واللى عنده اى اسئله يسأل برحته انا الحمد لله سداد وقت الشده

وفـ اى وقت تانى لأ
هههههههههههههههههههههههههههربنا يخليكى يا دودى انتى اللى طيبه اوى فى المنتدى ده كله

( وانا كمان )

يعنى احنا مش طيبين
ماشى ياروميو
بس انشاء الله هجبلك اسئله تخليك تشد فى شعرك منى
بس انت عارف انا خايفه من ايه
الى هعمله فى الاعضاء هيطلع عليه بعد كده
علشان كده مبسالش اسئله جامده

متخافيش ياكارى
اسالى
واحنا كلنا وراكى هنشجعك بقلوبنا
وميرسى على الرد ياروميو
وفى انتظار كارى وادمين
لازم كلكوا تترشحوا ياولاد لازم اسالكوا كلكوا نفر نفر

شاطر ياروميو

لميت الاسئله المتراكمه

انا بقى كنت عايزه اسالك

ايه رايك في المثل اللي بيقول

(ضرب الحبيب زي اكل الزبيب)؟؟؟

تفضل ان ترتبط ببنت مش متعلمه ولا متعلمه ولماذا؟؟؟

وانا عايزة اسالك
ممكن تتجوز واحدة اهلك رشحوهالك للزواج
وانت مشفتهاش قبل كدة؟
ـــــــــــــــــــــــــــــــــــــــ

ماشى يا كارى انتى وانجل ان شاء الله لما تعد على كرسى الاعتراف هجبلكوا اسئله بره المنهج وابقوا ورونى يسرى الجمل هيعملكم ايه

ـــــــــــــــــــــــــــــــــــــــــــــــــــــــــــــــــــ



ايه رايك في المثل اللي بيقول

(ضرب الحبيب زي اكل الزبيب)؟؟؟


معتقدش انى مؤمن بيه لان الراجل راجل و الست ست وانا مش هسمحلها حتى انها تفكر انها تضربنى انا شرقى اوى ومسمحش لمراتى انها تضربنى الست الوحيد اللى ممكن اسمحلها انها تضربنى هى امى بس ده لو ضربتنى اصلا


ـــــــــــــــــــــــــــــــــــــــــــــــــــــــــــــ

تفضل ان ترتبط ببنت مش متعلمه ولا متعلمه ولماذا؟؟؟


اهم حاجه العقله ما ممكن اتكوز وحده متعلمه وابوها صارف الاف عليها وبرده مبتفهمش

وممكن تبقى مش متعلمه لكن عقلها بيوزن بلد

ولا انتوا عندكوا اعتراض ده زى الجميله المتكبره والوحشه المطيعه

ردا على انجل

ممكن تتجوز واحدة اهلك رشحوهالك للزواج
وانت مشفتهاش قبل كدة؟



لا مش ممكن

وده اللى بيحصل معايا اليومين دول بس بيرشحولى بنات انا اساسا عارفهم بس مش عاوزهم

لانى مش شايفهم فى حياتى

مع انهم ميتعيبوش

اخلاق وادب و وجمال وحاجات تانيه كتير بس انا مش موافق وبهرب من المواقف بعد الموافقه والاشمئزاز

ايه ده لا الموضوع كبير اوى
انت هتتجوز قبلنا وللا ايه
ممنوع
مفيش حد هيتجوز قبلى انا بقلكوا اهو بهدوء

ماشى يا ماما انجل

وانا لسه بدرى عليا دا انا لسه صغنن اووووووووووووووووى


لما اكبر وابقى زيك عندى 60 سنه هبقى افكر لسه اوى يا ماما

انا لسة مكملتش 60 ياروميو لسة 59 بس

سورى سورى سور

نسيت ما ما اجل

هل من مزيد من الاسئله

كفايه كده عليك بقى ياروميو
ياله اختاروا حد تانى للمحكمه
بس عايزين بنت نختار مثلا
شوشو او رورو او انجل او توتا

اوكى يا كارى
انا شايفة برضه ان روميو اتسال كتير
والمفروض نختار حد تانى
ايه رايكم ياجماعة فى














................



كارى حبيبتى

اكيد كلكوا موافقين

مرسى جدا ليكوا


على روحكوا العاليه دى وانكم قررتوا الافراج عنى


وانا ببصم بصوابعى العشره على كارى مش صوباع واحد


ولابد ان تكون كارى داخل القفص


وانا سوف ارشح نفسى ( مش فى انتخابات الشعب ) لا لا لا محامى لكارى

ملحوظه يا انجل انا هبقى اسعدك من تحت لتحت

اوك انا وراكى ومش هسيبك


دى كارى حبيبتى من ايام الجيزه

حلو اوى كدة
كارى طلعت من ايام الجيزة نهارنا ابيض ياكارى
دلوقتى انتى صوت و10 صوابع

يعنى احتمال كبير تنجحى فى الانتخابات
ولازم تعترف ياجميل

هههههههههههههه


خلصوا عليها وشوفوا مين اللى هيقبض عليها مش على نفسهاد


واللى هيقبض عليها هياخد 250 قرش مقابل الامسامك بمجرم حارب من قضيه حب

هذا هو الابلاغ من محكمه الحب فرع شبرا ( منتديات العمالقه )

هههههههههههههههههههههههههههه
ايه ده كله لا ياجماعه بلاش كده
دا انا صحبتكوا واختكوا برده
تردو حد يعمل فيكوا كده
دا احنا حبايب

حبايب حبايب


لكن ساعه الحق مبنعرفش حد


واحنا قوننا مفهاش انحياز ولا زيغ لحد


فهتقفى بالذوق هتقفى العافيه المهم انه فى الاخر انك هتقفى

طيب اوكى انا هوافق
بس بشرط
بلاش اسئله صعبه
اصل انا مش مذاكره
وبعدين انت المحامى بتاعى لازم تقف جنبى
اوكى
وياله ابتدوا بلاسئله

اوك انا هخش انام لانى سهران من امبارح

وهفكر فيكى ولما اصحى ان شاء الله

هبقى ابتدى بيكى

اوكى وانا كمان هقفل علشان خارجه دلوقتى
عندى كوس انجليش
وشكلى كده مش هروح تانى
وبعدين انت داخل تنام هتفكر فيه ليه
روح نام وبعد كده فكر فى الاسئله

اوكى سيدتى كارى

انا هبدأ بسؤالك يا كاري
_______________
ما هو الحب بالنسبة لكي؟؟؟؟؟؟؟؟؟؟؟؟؟
____________________

بتفرحي بالغيرة ولا بتحسي بأنها كبت لحريتك؟؟؟؟؟؟؟؟
_____________________
مستني اجابتك ياكاري
عمال مأفكرلك بأسئلة على رواقة

ازيكم ياجماعه

انا مبسوطه اوي بترشيحكم لكاري

وانا ياكاري هموووووووووووووووت واسالك سؤال

مين شخص ما ؟؟

جاوبي على طول ماتفكريش ده سؤال سهل خالص

عايزه اسالك ياكاري

بغض النظر عن السؤال الاول

انتي حبيتي قبل كده بصراحه؟؟؟

ولو كنتي مرتبطه بحد هل ده الانسان اللي لقيتي فيه كل ومواصفات فتى احلامك

ولا تغاضيتي عن بعض الصفات في سبيل صفات اخرى؟؟

هل من صفاتك الغيره القاتله على الحبيب؟؟

الانسان اللي انتي بتحبيه او هتحبيه هتسمعي كلامه دايما علشان ترضيه؟

ولو خيرك بينه وبين اعز اصدقاءك هتختاري مين؟؟

كفايه عليكي كده دلوقتي

جاوبي الاسئله سهله خاااالص

اولا ردا على اسئله سبايدر



_______________
ما هو الحب بالنسبة لكي؟؟؟؟؟؟؟؟؟؟؟؟؟

الحب اجمل حاجه فى الدنيا وخصوصا لو كان حب صادق
____________________

بتفرحي بالغيرة ولا بتحسي بأنها كبت لحريتك؟؟؟؟؟؟؟؟

الغيره كويسه ومطلوبه لكن لما بتزيد عن حدها انا هتخنق
يعنى مش على اى حاجه يغير عليه يعنى مش انه يغير عليه من اخواتى او قريبى

_____________________

انا مستنيه باقى اسئلتك يا سبايدر
بس براحه شويه واخد بالك انت

ليه ياشوشو كده داخله عليه جامد ليه كده
دا احنا اصحاب
بس انا هجاوب

انتي حبيتي قبل كده بصراحه؟؟؟
( بصراحه بصراحه لا )

ولو كنتي مرتبطه بحد هل ده الانسان اللي لقيتي فيه كل ومواصفات فتى احلامك

ولا تغاضيتي عن بعض الصفات في سبيل صفات اخرى؟؟
طبعا مش هجاوب عليه علشان انا مش مرتبطه

هل من صفاتك الغيره القاتله على الحبيب؟؟

انا اكيد هغير على حبيبى جداااااااا بس مش الغيره الى تخنق وتخليه يكرهنى

الانسان اللي انتي بتحبيه او هتحبيه هتسمعي كلامه دايما علشان ترضيه؟
انا اسمع كلامه فى حاله واحده لو كان رايه
لكن الارجح هوه ان لازم يكون فيه نقاش بينا يا اما انا اقنعه او هوه يقنعنى


ولو خيرك بينه وبين اعز اصدقاءك هتختاري مين؟؟

اعتقد انى هختار اعز اصدقائى واعتقد برده انه ميقدرش يقولى كده
وبعدين الصداقه كنز لا يفنى



انا كده رديت عليكى
بس للعلم يا جماعه انا ممكن اكدب فى اى رد ؟؟؟؟؟؟
انا بقولكوا اهوه علشان اكون صريحه معاكوا

وبراحه عليه شويه ياشوشو

دخلوكى ياكارى يا حبيبيبتى القفص مش كنتى تقولى كنت جبتلك عيش وحلاوة ابقى قبلينى لو خرجتى من الاسئلة الجميلة دىولو خرجتى ابقى قوليلى علشان نبقى نتفق على الميعاد والمكان

انا داخله عليكي جامده برده ياكاري؟؟

دا انا رحيمه بيكي خالص دا انتي حبيبتي

بس مش عارفه ليه انا حاسه انك مش صريحه في بعض الردود

حاولي تكوني صريحه وراجعي نفسك ممكن تلاقي اسئله كده ماتكونيش جاوبتي عليها بصراحه