عشان انت مصرى

ايه رايكم فى احمد فؤاد نجم

طبعا كلنا عرفينة وعرفين قصيدة

بس فية قصيدة شدتنى

وقولت لازم انقلهالك ونقشها

ونقول لية بيحصل كدة

ولية المصرى بقى كدة

وزى ما بيقول احمد فؤاد نجم
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

عشان انا مصريه
لازم استحل الى احنا فيه

وميرسى يا انجل
بس بجد انا نفسى الناس تتغير للاحسن انا عارفه انه صعب
بس ديه امنيتى بجد

اتمنى ياكارى براحتك
اكيد مش هنحرمك من دى كمان
مصر معطاءة
بتخلى كل شعبها يتمنى براحته

احنا بنتمنى حاجات كتير
بس الحمد لله مفيش حاجه بتحصل

الحمد لله
هى بقا دى مصر

قوم يا مصر مصر ديما بتنديك

انت هتحارب يا روميو ولا ايه

لو مصر انضربت هبقى افكر

لو انضربت ؟؟؟؟؟؟؟؟؟؟!!!!!!!!!!!!!!!!!!
صباح الفل

انتى مش متوقعه انها ممكن تنضرب

دى ان كانت منضربتش اساسا

ماانا مستغربة على كدة
دى مضروبة من زمااااااااااااااان

مضروبه فى قلبها

سلامه قلبك يا مصر

ياحنينة

الله يسلمك

وكارى ديما حنينه

انا دايما حنينه

حنينى ليك بيزيد يوم بعد يوم

لكن جفاك ليه مبيعدى عليه الا بالزياده كل يوم

يا جامد

ده علشانك انتى

وده ليه
عشان انت مصرى برضه؟