موقف فى حياتنا؟ لازم تشاركوا

ياللا ياشباب

ياللا يابنات

الموضوع ده بتاعنا كلنا
لازم كلنا نكتب فيه

مافيش اختيارات هتكتب فيه وتشارك معانا اجبارى

عايزين تعرفوا هنكتب فى ايه؟؟؟؟؟

اوكى

هاقول اهو

استنوا بس عليا

كل واحد فينا ياجمااعة هيحكى عن اغرب موقف او اجمل موقف او اوحش موقف صادفه فى حياته

مش بس كده

احنا كمان هنقول احنا اتعاملنا معاه ازاىعشان كلنا نفيد بعض

وقوليلى ايه رايكم فى الموضوع هيفيدنا فعلا وللا ايه

موضوع فعلا جميل جدا ياانجل

وانشاء الله كلنا هنشارك فيه

بس استني علينا شويه عقبال ماافكر في المواقف الي مريت بيها

وياريت حد يبدا يحكي ويشجعنا

ماتبتدي انتي ياانجل cheers

انا اول يوم فى الجامعة كان حلو بطريقة فظيعة لدرجة انى جالى شلل طبعا من غىر ماقول احنا عرفين ان فى الجامعة الشباب مترمين فى كل حتة ودة اول يوم يعنى ريحين جاين والجامعة فيها مدرج مهم فى اجتماعات وحاجات مندى المهم ماشين عادى انا واصحابى فجاة حديدة وقعت معرفش ازاى بس كانت من فوق اوى نزلت على الارض رنت رنة رهيبة ومش بس كدة سبحان الله طارت من على الارض من غير متلمس حد ووقعت تانى فى الحديقة الى ادام المدرج بس انا كنت بعيد شوية رد فعلى بما انى بستوعب الامور ورزينة ايضا ردفعلى كان هادى لدرجة انى قعداصوت من اول رحلة السقوط وبعد مخلصت الصويت مكلمتش ولة كلمة ولى مشفش الحديدة وهى بتقع اتصرع من الصوت

انا اول يوم فى الجامعة كان حلو بطريقة فظيعة لدرجة انى جالى شلل طبعا من غىر ماقول احنا عرفين ان فى الجامعة الشباب مترمين فى كل حتة ودة اول يوم يعنى ريحين جاين والجامعة فيها مدرج مهم فى اجتماعات وحاجات مندى المهم ماشين عادى انا واصحابى فجاة حديدة وقعت معرفش ازاى بس كانت من فوق اوى نزلت على الارض رنت رنة رهيبة ومش بس كدة سبحان الله طارت من على الارض من غير متلمس حد ووقعت تانى فى الحديقة الى ادام المدرج بس انا كنت بعيد شوية رد فعلى بما انى بستوعب الامور ورزينة ايضا ردفعلى كان هادى لدرجة انى قعداصوت من اول رحلة السقوط وبعد مخلصت الصويت مكلمتش ولة كلمة ولى مشفش الحديدة وهى بتقع اتصرع من الصوت

ياقلبك يامينى
ايه الثبات ده كله
والله ياشوشو انا مش فاكرة مواقف خالص
بما انى عضوة كرونيك فى جمعية مرضى الزهايمر
بس ان شاء الله اول ماهافتكر هاحكيلكوا
وانتى ابقى احكيلنا على مواقفك يعنى موقف ملزمة انجليزى geek

او حاجات من دى
واحنا مستنينك ياشهرذاد 656

ومستنينكوا يااعضاء المنتدى
ماتتقلوش علينا كدة thinking

ايه ياجماعة
فين المشاركات

gif

بصى ياانجل انتى عرفانى الزهايمر برده واخد حقه معايا بس افتكر موقف حصلى وانا فى اولى جامعه

بعد بدء الدراسه بشهر تقريبا كنت انا واحده صحبتى كنا واقفين امام مكتب عميد الشعبه بتاعتنا كنا هناك بنخلص ورق المهم العميد كان داخل مكتبه فلاقنى واقفه فبيقولى انتى جايه مع مين ياحبيبتى قلتله انا طالبه فى الجامعه قالى هوه علشان طويله شويه تبقى فى الجامعه انتى شكلك صغير كبيرك قوى اولى ثانوى المهم مصدقش ان انا فى الجامعه الا لما وريته الكارنيه بتاعى واول ماشافه قالى متزعليش منى بس انتى شكلك صغير .

ومن ساعتها كل مايشوفنى يسلم عليه وقابلنى من شهر فى الجامعه كنت بجيب النتيجه فبيقولى انت فى سنه كام دلوقتى قلتله بعد النتيجه انا كده فى ثالثه قالى وانتى فنى نظرى دلوقتى انتى فى 3 ثانوى

بس بجد كان موقف رخم جدا ومن ساعتها مبحبش اروح عند مكتب العميد ده ابدا الا لما يقابلنى صدفه...........

:: 111

ههههههههههههههههه

موقف تحفه ياكاري

بس بصراحه هو عنده حق اوعي تزعلي مني

وبالعكس الواحد يتمنى انه يرجع صغير تاني cheers

كويس ياكاري انك انتي شكلك يدي تالته ثانوي

انا بقى كتييير بيقولي صوتي في التليفون صوت اطفال محصلتش كي جي 1

مره واحده صاحبتي قالتلي انها بتحس لما انا برد عليها

اني انا طفله فرحانه وبتجري على التليفون علشان ترد

ومره كمان واحد بيتصل وكان بيسال على باب وكان مش موجود

فكان عايز يدي بابا تليفونه فسالني وقالي

بتعرفي تكتبي الارقام ياحبيبتي write

مع العلم اني كنت ساعتها في نهايه تالته ثانوي

مرضتش اعلق عليه وقولتله اه بعرف ياعمو

شوفتوا بقى ماساتي thinking

ههههههههههههههههههههه

على فكره انا برده صوتى صغير بس مش قوى كده زيك

معلش ياكارى
هو فعلا الموقف محرج جدااااااااا

بس انا شايفة انك المفروض تكونى خدتى لى المواقف اللى من النوع

ده geek

ايه يا جماعه مفيش حد عنده اى موقف حصله ولا ايه
ولا انتوا مكسوفين تكتبوا
اكتبوا عادى بلاش كسوف متخفوش مش اى حد هيشوفها
المنتدى كله بس الى هيشوف يعنى مش حد غريب
صح ولا ايه

وللا اييييييييييه

خلاص ياكارى مافيش حد عايز يقول
ربنا امر بالستر

فعلا ربنا امر بالستر
بس انا بقول لكل اعضاء المنتدى ياريت يدخلوا ويشاركوا
ومتخفوش احنا ولا هنضحك ولا هنتريق على حد

jump

بعد تفكير طويييييييييييل وعميييييييييييييييق

قررت ياانجل احكي حكايه ملزمه الانجليزي

ياجماعه احنا لما كنا في سنه اولى في الكليه كان عندنا ماده انجليزي

والماده دي ماحدش بيهتم بيها لانها مش بتضاف للتقدير العام

وكل اللي سبقونا في السنين كانوا بيقولولنا ان ماده الانجليزي دي في اخر السنه هينزلها ملزمه وهتذاكروها وتجيبوا امتياز

واعتماداا على ذلك كله طبعااا اهتمينا بالمواد التانيه وطنشنا الانجلش بس والله كنت برضي ضميري واحضرلها المحاضرات

وجينا في اخر السنه اشترينا الملزمه

وزاكرتها كويس جدااااا جدااااا

ودخلنا الامتحان وفوجئنا ان الامتحان بعيد البعد عن الملزمه اللي جبناها كل الامتحان كان بيسالنا عن واحد اسمه رافت ومش عارفين مين رافت ده

وماكانش فيه جرامر ولا اي حاجه تساعدنا في الحل

وكانت اول مره في حياتي اتبع طريقه حادي بادي في الحل

وبعد ماخرجنا من الامتحان اكتشفنا ان الملزمه اللي جبناها كانت بتاعه كليه علاج طبيعي مش طب بشري

شوفتوا المصيبه الحمد لله عدينا منها على خير

بس والله ماكانش فيها حاجه تدل انها مش بتاعتنا

لان كان فيها مصطلحات طبيه زي اللي كنا بناخدها

احنا مظلومين والله

اهئ اهئ اهئ

ماعلش طولت عليكم

656

ياخبر ياشوشو
موضوعك مؤثر جدا
بس انتى ازاى مخدتيش بالك
انتى مالكيش فى الانجليزى وللا ايه؟ yahya

معلش الحمد لله انها عدت على خير
بس غريبة اوى تكونى فى طب وتذاكرى ملزمة انجليزى غلط
والاغرب ان مش انتى لوحدك اللى معرفتيش الملزمة
ده انتى واصحابك
فعلا المرء على دين خليله
_________________
يصبح اللص باوروبا مديرا للنوادى
وبامريكا زعيما للعصابات وأوكار الفساد
وبأوطانى التى من شرعها قطع الأيادى
يصبح اللص ..........................زعيما للبلاد

ههههههههههههههههههه
بصراحه موقف جامد جدا ياشوشو
ربنا يكون فى عونك ياحبيبتى طبعا

وليه يا انجل تتريقى على شوشو حرام عليك
ماانتى كنتى معاها
وبعدين لما شوشو ماخدتش بالها مش تقوليلها

والحمد لله عدت الليله
بس خدوا بالكوا بعد كده ياحبيبى ياشطرين
واوعوا حد يقولكوا تعالوا اوديكوا لبابا تروحى
خلوا بالكوا

(خلوا بالكوا من !!!!!!!!!!!!!!!)

congratulation

ميرسي جداا على شعورك ياكاري

الدفعه كلها ماخدتش بالها الا انجل Exclamation

يااااه على قوه ملاحظتها Shocked

شكرا ياشوشو
مش عارفة من غيرى كنتوا هتعملو ايه؟
_________________
يصبح اللص باوروبا مديرا للنوادى
وبامريكا زعيما للعصابات وأوكار الفساد
وبأوطانى التى من شرعها قطع الأيادى
يصبح اللص ..........................زعيما للبلاد