انواع الاولاد على النت!!لكل البنات ادخلوا

انواع الولاد على النت...
المرحلة الأولى
( الي يدوبك لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

(المرحلة الثانية)
( الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحله التالته :
( الي قاعد على النت ليل نهار)
ده بقى شرحه يطول وينقسم لعدة انواع

1- المقموص
ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب
انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

656

ههههههههههههه
موضوعك جامد جدا ياشوشو

إنت عاملة حملة ضدد الولاد ياشوشو

مرسى جدا على الموضوع ده
بس انتى كده شردتينا
وكده مينفعش
انا منسحب ومش لاعب معاكم تانى

ميرسي ياكاري على الرد

وانا ياكينج مش عامله حمله ضد الولاد ولا حاجه

ولا بشردكم ياروميو

انا مجرد بانصح واحذر البنات

علشان تبقى حذره وتخلي بالها Shocked

واتمنى انكم ماتكونوش من الانواع دي

وماتزعلوش مني Sad

وابقى العب معانا ياروميو jump

إحنا مش زعلانين ولا حاجة دا مجرد حذار بس

اوك علشان خطرك يا شوشو هلعب معاكم تانى بس ماما ممكن مترضاش
_________________
اذا اردت ان تفعل المعصيه يجب عليك ان تبحث عن مكان لا يراك فيه ربك

اللهم إني أسألك إيمانآ دائمآ , وأسألك قلبآ خاشعآ , وأسألك علمآ نافعآ , وأسألك يقينآ صادقآ ,

وأسألك دينآ قيمآ , وأسألك العافية من كل بلية, وأسألك تمام العافية, وأسألك دوام العافية ,

وأسألك الشكر على العافية , وأسألك الغنى عن الناس

ليه ياروميو
هيه ماما بتقولك متلعبش مع البنات ولا ايه
_________________
kary

( الصداقه كالمظله كلما اشتد المطر كلما اشتدت الحاجه اليها )

لا بس مامته ممكن متخلهوش يلعب لو مشربش اللبن الصبح

بس فعلا موضوعك تحفة ياشوشو انا بحب موضوعاتك جدا عامة والموضوعات دى خاصة
_________________
يصبح اللص باوروبا مديرا للنوادى
وبامريكا زعيما للعصابات وأوكار الفساد
وبأوطانى التى من شرعها قطع الأيادى
يصبح اللص ..........................زعيما للبلاد